ဇွန် ၁၀၊၂၀၂၆
Zalen
ချင်းပြည်နယ်၊ မင်းတပ်မြို့ကို စစ်ကောင်စီတပ်က ဖုန်းလိုင်းတွေ ဖြတ်တောက်ထားပြီး ၆ ရက်ဆက်တိုက် ဗုံးကြဲတိုက်ခိုက်နေတယ်လို့ ဒေသခံတွေထံက သတင်းရရှိပါတယ်။
ဒီကနေ့ မနက်ပိုင်း ၈ နာရီ ၀န်းကျင်ကနေစပြီး မင်းတပ်မြို့အရှေ့ဘက်ခြမ်းကို စစ်ကောင်စီတပ်က ဂျက်ဖိုက်တာ ၂စီးနဲ့ ၄ ကြိမ် ဗုံးသီး ၈ လုံးကြဲချတိုက်ခိုက်ခဲ့ပါတယ်။
ညနေပိုင်း ၂ နာရီခွဲ ၀န်းကျင်မှာလည်း ဂျက်
ဖိုက်တာ ၂စီးနဲ့ ဗုံး ၄ လုံး ထပ်မံ ကြဲချတိုက် ခိုက်ခဲ့ တာကြောင့်နေအိမ်တွေထိခိုက်ပျက်စီးသွားတယ်လို့ သိရပါတယ်။
” မိခင်နဲ့ကလေး ရုံးနားတွေလို့သိရတယ်။အရင်က စည်ပင်၀န်ကြီးဟောင်းဦးနိန်နိုင်းအိမ်လည်းထိတယ်တဲ့။အိမ်ထိတာတော့ များပါတယ်။ ဖုန်းလိုင်းတွေကိုလည်ဖြတ်ထားတာကြာပြီ။ ငါးရက်လောက်ရှိပြီ။အဆက် အသွယ်မရနိုင်ဘူး” လို့ ဒေသခံတဦးက Zalen ကိုပြောပါတယ်။
ဦးနိန်နိုင်းကတော့ ယခင် စစ်အစိုးရ ၂၀၁၀ ခုနှစ် ကနေ ၂၀၁၅ ခုနှစ်အထိ ချင်းပြည်နယ် စည်ပင်၀န်ကြီးအဖြစ်တာ၀န်ယူခဲ့ဖူးပြီး ၊ ပင်စင်ရအထက်တန်းပြ ကျောင်းဆရာ တဦးဖြစ်တယ်လို့ သူကရှင်းပြပါတယ်။
မနေ့က ဇွန်လ ၉ ရက်နေ့မှာလည်း မင်းတပ်မြို့အရှေ့ခြမ်းကို ဂျက်ဖိုက်တာ ၂စီး နဲ့ ၃ ကြိမ် ၊ဗုံးသီး ၆ လုံးကြဲချ တိုက်ခိုက်ခဲ့တာပဲဖြစ်ပါတယ်။
ပြီးခဲ့တဲ့ ဇွန်လ ၈ ရက်နေ့အထိ စစ်ကောင်စီက မင်းတပ်မြို့ပေါ်နဲ့ မြို့အရှေ့ဘက်ခြမ်းကို လေကြောင်းကနေ ဂျက်ဖိုက်တာ ၁၆ စီးနဲ့ ဗုံးကြဲတိုက်ခိုက်ခဲ့တာကြောင့် လူနေအိမ် ၁၀လုံးထက်မနည်း ပျက်စီးခဲ့တာပဲဖြစ်ပါတယ်။
သတင်း – မိုးပီအောင်
ဓာတ်ပုံ- HKL
