ဇွန် ၁၆၊ ၂၀၂၆
Zalen
စစ်ကိုင်းတိုင်း၊ တမူးမြို့နယ်၊ ကလေး-တမူးလမ်းမပေါ်ရှိ ထီးတိန်ယံကျေးရွာ စာသင်ကျောင်းကို စစ်အုပ်စုက စစ်ရေးပစ်မှတ်မဟုတ်ဘဲ ဒရုန်းနဲ့ ဗုံးတီးချတိုက်ခိုက်ခဲ့တယ်လို့ ဒေသသတင်းအရင်းအမြစ်များအရသိရပါတယ်။
ယမန်နေ့ ဇွန်လ ၁၅ရက်နေ့က အဲဒီထီးတိန်ယံစာသင်ကျောင်းကို စစ်အုပ်စုက အခုလိုဒရုန်းနဲ့ ဗုံးသီး၁လုံးချပြီးတိုက်ခိုက်ခဲ့တာဖြစ်ပြီး လူအထိခိုက်မရှိဘူးလို့ဆိုပါတယ်။
” စစ်တပ်ကဒရုန်းနဲ့ ထီးတိန်ယံကျေးရွာ ဒရုန်းနဲ့ ဗုံးချတာဟုတ်ပါတယ်။ ဒရုန်းနဲ့ဗုံးချတာတစ်ကြိမ်ပါ။ ဗုံးသီးက တစ်လုံးလာချသွားတာပါ။ လူအထိအခိုက်တော့မရှိဘူး ဗုံးသီးက ကွင်းပြင်မှာကျတာ။ စာသင်ကျောင်းမှာလည်းလူမရှိဘူး” လို့ နီးစပ်သူတစ်ဦးက Zalen ကိုပြောပါတယ်။
စစ်အုပ်စုက စစ်ရေးတင်းမာနေတဲ့အချိန်မျိုးမှာ စစ်ရေးပစ်မှတ်မဟုတ်တဲ့ အများပြည်သူနေထိုင်တဲ့နေရာ၊ ဘာသာရေးအဆောက်အအုံနဲ့ စာသင်ကျောင်းကို ရည်ရွယ်ချက်ရှိရှိ ဗုံးကြဲတိုက်ခိုက်နေတာဖြစ်ပါတယ်။
အဆိုပါထီးတိန်ယံ ကျေးရွာဟာ တမူးမြို့တောင်ဘက် ကလေး-တမူးလမ်းမပေါ်မှာတည်ရှိနေတာဖြစ်ပြီး အဲဒီကလေး-တမူး လမ်းပိုင်းမှာ စစ်အုပ်စုက ထိုးစစ်ဆင်တိုက်ခိုက်နေလို့ စစ်ရေးတင်းမာနေတဲ့ ဒေသတစ်ခုလည်းဖြစ်ပါတယ်။
သတင်း – S-P
