၂၁ ၊ဇွန် ၊၂၀၂၆
Zalen
ချင်းပြည်နယ်တောင်ပိုင်း ၊ မင်းတပ်မြို့အရှေ့ခြမ်း နေရာတွေကို စစ်ကောင်စီတပ်က တရက်တွင်း ဂျက်ဖိုက်တာ ၉ စီး ၊ Y-12 နှစ်စီး နဲ့ ဗုံးလာကြဲတယ်လို့ ဒေသခံတွေထံကသတင်းရရှိပါတယ်။
အဲဒီလေကြောင်းတိုက်ခိုက်မှုမှာ တံတားဦး ၊ ရှမ်းတဲ ၊ အေလာ ၊မကွေး ကနေတက်လာတဲ့ ဂျက်ဖိုက်တာ ၊ Y-12 တွေနဲ့ လာရောက်ဗုံးကြဲ တိုက်ခိုက်ခဲ့တာပါ။
” ညလည်း ကောင်းကောင်းမအိပ်ရဘူး။ နေ့ခင်း၊ မနက်တွေလည်းတောက် လျှောက်ပဲလာတယ်။နိမ့်နိမ့်လေးတွေ ပျံတာဆိုတော့ အသံကြားရင်လည်း ကြောက်ရတယ်” လို့ ဒေသခံတဦးက Zalen ကိုပြောပါတယ်။
အဲဒီလေကြောင်းတိုက်ခိုက်မှုအတွင်း ထိခိုက်၊ပျက်စီးတာတွေရှိနိုင်ပေမယ့် အသေးစိတ်ကိုတော့ မသိရှိရဘူးလို့ ရှင်းပြပါတယ်။
ဒါ့အပြင် ဂျက်ဖိုက်တာ ၉ စီးနဲ့ ၁၈ ကြိမ်၊ ဗုံးသီး ၃၆ လုံး ကြဲ ချခဲ့ပြီး ၊ Y-12 နှစ်စီး နဲ့လည်း အတွဲလိုက် ဗုံးသီး ၄၅ လုံးကြဲချတိုက်ခိုက်ခဲ့တယ်လို့ သိရပါတယ်။
သတင်း – မိုးပီအောင်
