၂၅၊ မတ်၊ ၂၀၂၄
Zalen
မြန်မာ-ဘင်္ဂလားဒေရှ့်နယ်စပ် ရခိုင်ပြည်နယ် မောင်တောမြို့နယ်၊ ရန်အောင်မြင်ကျေးရွာအနီး စစ်ကောင်စီတပ်စခန်းကို မတ်လ ၂၃ ရက်မှာ သိမ်းယူခဲ့တယ်လို့ ရက္ခိုင့်တပ်တော် (AA) က မတ်လ ၂၄ ရက်မှာ ထုတ်ပြန်ပါတယ်။
လက်ရှိမှာ မောင်တောမြို့နယ်က နောက်ထပ် တပ်စခန်းတွေဖြစ်တဲ့ ကြိမ်ချောင်း နယ်ခြားစောင့်တပ်စခန်း၊ တမန်းသား စစ်ကောင်စီစခန်းနဲ့ ဘူးသီးတောင်မြို့နယ်က ခြေမြန်တပ်ရင်း ခမရ – ၅၅၂ တွေကို ဆက်လက်ထိုးစစ်ဆင်နေတယ်လို့ AAက ထုတ်ပြန်ပါတယ်။
ရန်အောင်မြင်စခန်း တိုက်ပွဲအတွင်း စစ်ကောင်စီတပ်သားတွေ သေဆုံးခဲ့သလို စစ်အသုံးအဆောင်နဲ့ လက်နက်ခဲယမ်းတချို့ ရရှိခဲ့တယ်လို့ ဆိုပါတယ်။
မောင်တော်မြို့က နောက်ထပ် စခန်းတွေကိုရရှိဖို့ကို ထိုးစစ်ကို အရှိန်မြှင့်ထားတယ်လို့ AA က ထုတ်ပြန်ထားပါတယ်။
ချင်းပြည်နယ် ပလက်၀မြို့ အပါအ၀င် ရခိုင်ပြည်နယ်က မြောက်ဦး၊ ကျောက်တော်၊ မင်းပြား၊ မြေပုံ၊ ပုဏ္ဏားကျွန်း၊ ပေါက်တော၊ ရမ်းဗြဲစတဲ့ ရှစ်မြို့ကို AAက သိမ်းပိုက်ထားပါတယ်။
Mary
