၂၈ ၊ အောက်တိုဘာ ၊၂၀၂၅
Zalen
ချင်းပြည်နယ်၊မင်းတပ်မြို့ ပေါ် မြို့မ ရဲစခန်းဟောင်းအနီး ခေါနူးရိပ်သာကို မနေ့က အောက်တိုဘာလ ၂၇ ရက် ၊ ည ၈ နာရီ၀န်းကျင်မှာ စစ်ကောင်စီက လေကြောင်းကနေ ထပ်မံ ဗုံးကြဲတိုက်ခိုက်ခဲ့တယ်လို့ ဒေသခံ တွေထံကနေသိရပါတယ်။
အဆိုပါလေကြောင်းတိုက်ခိုက်မှုမှာ စစ်ကောင် စီက ဂျက်ဖိုက်တာနဲ့ နှစ်ကြိမ်ပစ်ခတ်ခဲ့တာကြောင့် အဆောက်အဦးထိခိုက်ပျက်စီးတာရှိသလို လူထိခိုက်မှုတွေလည်းရှိတယ်လို့ဆိုပါတယ်။
အဲဒါနဲ့ပတ်သက်လို့ ဒေသခံအမျိုးသမီးတစ်ဦးကတော့ ” မြို့မ ရဲစခန်း ဟောင်းအနီးကိုပစ်တာလို့ကြားတယ်။ ခေါနူးရိပ်သာကိုထပ်ပစ်တာတဲ့။ဟိုနေ့ကလည်းလာပစ်တယ်။ ညကပစ်တာတော့ လူ ၄ ဦးဒဏ်ရာရတယ်”လို့ Zalen ကိုပြောပါတယ်။
အဲဒီဒဏ်ရာရတဲ့ သူတွေထဲမှာ စစ်သုံ့ပန်း နှစ်ယောက် ပါသလို ထပ်မံပစ်ခတ်တဲ့ ဗုံးဒဏ်ကြောင့် အဆောက်အဦး အားလုံးထိခိုက်ပျက် စီးသွားတယ်လို့ထပ်မံရှင်းပြပါတယ်။
အောက်တိုဘာလ ၂၆ ရက်နေ့တုန်းက မြို့မရဲစခန်းဟောင်းအနီးရိပ်သာကို စစ်ကောင်စီကလေကြောင်းကနေပစ်ခတ်ခဲ့ပြီး မနေ့က နောက်ထပ်တစ်ကြိမ် ထပ်မံပစ်ခတ်ခဲ့တာဖြ်ပါတယ်။
မင်းတပ်မြို့ကိုတော့ ချင်းညီနောင် နဲ့ မဟာ မိတ် တပ် ဖွဲ့များက ၂၀၂၄ ခုနှစ် ၊ ဒီဇင်ဘာလ ၂၁ ရက်နေ့မှာ မြို့ကိုပြန်လည်သိမ်းပိုက်ခဲ့တာဖြစ်ပါတယ်။
သတင်း – မိုးပီအောင်
ဓာတ်ပုံ – အောက်တိုဘာ ၂၆ ရက်နေ့က စစ်ကောင်စီပစ်ခတ်လို့ ပျက်စီးသွားတဲ့ ရိပ်သာ
