ကန်ပလက်မြို့နယ်အတွင် စစ်တပ်က လက်နက်ကြီးများဖြင့် ရမ်းသမ်းပစ်ခတ်

ချင်းပြည်နယ်၊ ကန်ပလက်မြို့နယ်ရှိ ကျေးရွာများဖြစ်တဲ့ စံအိမ်နူးနှင့် ခိတောရွာတို့ကို မင်းတပ်အခြေစိုက် ခလရ ၂၇၄ ကနေ လက်နက်ကြီးများဖြင့် မနေ့ သြဂုတ် ၁၆ ရက်ည ၁၀ နာရီ ၂၀ မိနစ်ခန့်က စပြီး ရမ်းသမ်းပစ်ခတ်ခဲ့ကြောင်း ကန်ပလက်ဒေသခံများက ပြောပါတယ်။

စစ်တပ်က လက်နက်ကြီးများဖြင့် ၁၀ ကြိမ်ခန့် ပစ်ခတ်ခဲ့ပြီး တချို့သော လက်နက်ကြီးများဟာ မပေါက်ကွဲပဲ ၅ ကြိမ်လောက်သာ ပေါက်ကွဲခဲ့ကြောင်း ဆိုပါတယ်။ ထိုကဲ့သို့ လက်နက်ကြီးများဖြင့် ပစ်ခတ်မှုကြောင့် ထိခိုက်ပျက်စီးမှု တစ်စုံတစ်ရာတော့ မရှိကြောင်း ကန်ပလက် ဒေသခံများက ပြောပါတယ်။

မနေ့နှင့် ဒီနေ့မနက်တွင် ဆောနယ်ဘက်တွင် စစ်တပ်နှင့် ဒေသခံကာကွယ်ရေးတပ်ဖွဲ့များအကြား ထိတွေ့မှုများ ရှိခဲ့ပြီး ကန်ပလက် ကာကွယ်ရေးတပ်ဖွဲ့ဝင် ၂ ဦး ဒဏ်ရာ ရရှိခဲ့ကြောင်းလည်း သိရပါတယ်။ သို့သော်လည်း နှစ်ဘက်ထိတွေ့မှုနဲ့ ပတ်သက်ပြီး ဆောဒေသကာကွယ်ရေးတပ်နှင့် ကန်ပလက်မြို့နယ်ဒေသကာကွယ်ရေးတပ်ကလည်း တစုံတရာ ထုတ်ပြန်ထားခြင်းတော့ မရှိသေးပါ။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်