ကလေးမြို့ အောင်သစ္စာရပ်ကွက်တွင် ယနေ့ မွန်းလွဲ ၁ နာရီ ၃၅ မိနစ်အချိန်ကဝါယာကြိုးရှော့ဖြစ်ရာမှ နေအိမ်တစ်လုံး မီးလောင်မှုဖြစ်ပွားတယ်လို့ ကလေးပြန်၊ဆက်ကဖော်ပြထားပါတယ်။
အဆိုပါ မီးလောင်မှုဖြစ်ပွားရာသို့ မီးသတ်ယာဉ်တစ်စီး၊ ရေသယ်ယာဉ်တစ်စီး၊ အရန်မီးသတ်အင်အား ၁၀ ဦးနဲ့ ရပ်ကွက်နေပြည်သူများက ဝိုင်းဝန်းငြှိမ်းသတ်ကြရာ မွန်းလွဲ ၁ နာရီ ၅၀ မိနစ်တွင် မီးငြှိမ်းသတ်ပါတယ်။
မီးလောင်မှုဖြစ်ပွားသော နေအိမ်မှာ အပေါ်ထပ် ပျဉ်ခင်းပျဉ်ကာ၊ အောက်ထပ် အုတ်ညှပ်နံရံကပ်နှင့် သွပ်မိုးအိမ် နှစ်ထပ် အဆောက်အအုံဖြစ်ပြီး မိသားစုဝင် ခုနစ်ဦးနေထိုင်ကြကာ မီးလောင်မှုကြောင့် လူနှင့်တိရစ္ဆာန် ထိခိုက်သေဆုံးမှုမရှိပါ။
