၄ နိုဝင်ဘာ၊ ၂၀၂၃
စစ်ကိုင်းတိုင်း၊ကလေးမြို့နယ်တောင်ပိုင်း၊ မြစ်သာမြစ်အရှေ့ဘက်ကမ်း၊ ဥယျာဥ်ရွာကို နိုဝင်ဘာ ၃ရက်နေ့ ညပိုင်းလောက်မှာ စစ်ကောင်စီက ၁၂၀ မမ လက်နက်ကြီးနဲ့ ပစ်ခတ်ခဲ့တာကြောင့်အမျိုးသမီးတစ်ဦးသေဆုံးခဲ့တယ်လို့ ဒေသသတင်းရင်းမြစ်တွေဆီကသိရပါတယ်။
စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့်ကလေးတောင်ပိုင်း၊ဥယျာဥ်ကျေးရွာနေ၊ အသက်၃၀ အရွယ် ကလေးနှစ်ယောက်မိခင် ဒေါ်ပူးလေး ရဲ့ ဝမ်းဗိုက်ကို လက်နက်ကြီးထိမှန်ကာ ဗိုက်ပွင့်သေဆုံးသွားခဲ့ပါတယ်။ ၄င်းတို့ရွာရှိ နွားတစ်ကောင်နဲ့မြင်းတစ်ကောင်လည်း လကနက််ကြီးထိမှန်သေဆုံးခဲ့ပြီး ကြက်နှစ်ကောင် ခေါင်းပြတ်သေဆုံးသွားတယ်လို့ ဒေသခံတွေကဆိုပါတယ်။
“မနေ့ညက ဆိုးဆိုးဝါးဝါးကိုလက်နက်ကြီးထုနေတာ။ ထိုမာရွာမြောက်ဘက် ရွာစပ် ၁ ချက်၊ ရွာမြောက်ဘက်ခပ်လှမ်းလှမ်းက ၂ချက်၊ဥယျာဉ်ရွာကို ၂ချက်၊ အင်းကျော်ရွာ ၂ချက် ကျတယ်။ တောင်အူပြင်သာကလည်း ထုတယ်ကြားတယ်။ မြို့ပေါ်ကအသိတွေမေးကြည့်တော့ မြို့ပေါ်အမြောက်တပ်ကနေထုတာလို့သိရတယ်ဗျ။” လို့ ဒေသခံတစ်ဦးကဆိုပါတယ်။
ကလေးမြို့နယ်မှာ ယမန်နေ့ နိုဝင်ဘာ ၃ရက်နေ့ကစလို့ ကလေးဒေသကာကွယ်ရေးပူးပေါင်းတပ်တွေရဲ့ နေရာပေါင်းစုံကနေ ရုတ်တရက် ထိုးစစ်ဆင်ခဲ့ကြတဲ့အတွက် ပြာယာခတ်သွားတဲ့စစ်ကောင်စီတပ်ဟာ အမြောက်တပ်ကနေ လက်နက်ကြီးပစ်ကူ တရစပ်ပေးခဲ့ပြီး ရမ်းသမ်းပစ်နေတာဖြစ်ပါတယ်။
ဒေမီယံ
