ကလေးမြို့မှာ စစ်ကောင်စီတပ်က စားသောက်ဆိုင်တစ်ခုကို၀င်စီးပြီး ဆိုင်ပိုင်ရှင် အမျိုးသမီးနှစ်ဦးကို ဖမ်းဆီး၊ ဆိုင်ကို ချိတ်ပိတ်

၂၄၊ မေ ၊ ၂၀၂၄

Zalen

စစ်ကိုင်းတိုင်း၊ ကလေးမြို့၊ အောင်သစ္စာရပ်ကွက်၊ လေဆိပ်အနီးက စားသောက်ဆိုင်တစ်ခုကို မေလ ၂၃ ရက်နေ့မှာ စစ်ကောင်စီ တပ်က ၀င်ရောက်စီးနင်းခဲ့ပြီး ဆိုင်ပိုင်ရှင် သားအမိနှစ်ဦးကို ဖမ်းဆီးခဲ့တယ်လို့ ဒေသခံတွေကပြောပါတယ်။

PDF တွေကို ထောက်ပံ့တယ်လို့ စွပ်စွဲပြီး စားသောက် ဆိုင်ကို စီးနင်းခဲ့ကာ ချိတ်ပိတ်ခဲ့တယ်လို့ သိရပါတယ်။

” အဲဒီဆိုင်က တပ်ဆေးရုံနဲ့ သိပ်မဝေးဘူး။ လေယာဉ်ကွင်းနောက်ကျောဘက်နားမှာလေ။ သူတို့၀င်စီးတဲ့အချိန် ဆိုင်ပိုင်ရှင်ကို အရင်ဖမ်းခေါ်တယ်။ နောက်မှ သမီးဖြစ်သူကို ပြန်ဖမ်းခေါ်တယ်။ PDF ကို ဆက်သွယ်တယ်။ ထောက်ပံ့တယ်လို့ ‌ပြောပြီး ခေါ်သွားတာ။ ” လို့ ဒေသခံတစ်ဦးက ပြောပါတယ်။

အဲဒီအမျိုးသမီးနှစ်ဦးကို ဒေသကွပ်ကဲရေးစစ်ဌာနချုပ်(ဒကစ) ကို ဖမ်းဆီးထားပြီး အခုချိန်ထိ မိသားစုဝင်တွေနဲ့ အဆက်မသွယ် မရသေးဘူးလို့ သိရပါတယ်။

ကလေးမြို့မှာ စစ်အာဏာသိမ်းပြီးနောက်ပိုင်း ချိတ်ပိတ်ခံထားရတဲ့ အဆောက်အဦး ၅၀ ကျော်အထိ ရှိပါတယ်။

Helen

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်