ကလေးမြောက်ပိုင်းကို စစ်ကောင်စီကလက်နက်ကြီးဖြင့် ဆက်တိုက်ပစ်ခတ်၊ ဒေသခံများ တိမ်းရှောင်နေရ

စက်တင်ဘာ ၁၁ရက်၊ ၂၀၂၃

စစ်ကိုင်းတိုင်း၊ကလေးမြောက်ပိုင်းကို စစ်ကောင်စီတပ်က ဒီကနေ့ စက်တင်ဘာ၁၁ရက် နေ့လည် ၁၂နာရီခန့်မှစ၍ လက်နက်ကြီးများဖြင့် ဆက်တိုက်ပစ်ခတ်ခဲ့သောကြောင့်ကလေးမြောက်ပိုင်း ဒေသခံအများအပြားတိမ်းရှောင်နေရကြောင်း သိရသည်။

“ဒီနေ့ စက်တင်ဘာ ၁၁ရက်နေ့ နေ့လည် ၁၂နာရီလောက်ကနေစပြီး လက်နက်ကြီးနဲ့ထုတာဗျ။ မိနစ်၂၀ကို တစ်ကြိမ်စီ ထုနေတာ။ ကလေးအမြောက်တပ်ကနေ ၅ချက်ထုတယ်။ ဆည်တော်ဦးဖက်ကနေလည်းထုတယ်။ ကလေးမြောက်ပိုင်း နန်းချောင်းရွာက ဒေသခံတွေတော်တော်များများတိမ်းရှောင် နေကြရပါတယ်။အထိခိုက်သတင်းတော့ မသိရသေးဘူး” ဟုကလေးမြောက်ပိုင်းနေထိုင်သူ အရပ်သားတစ်ဦးက ဆိုသည်။

ဆည်တော်ဦးရွာတွင် အထိုင်ချထားသော ပျူစောထီးတပ်မှ ပျူတပ်သားတစ်ဦး ချောင်းရေချိုးချိန် ရေနစ်သွားသောကြောင့် အလောင်းရှာရန်အတွက် ပျူစောထီးတပ်မှ နန်းချောင်းနှင့်အောင်မြေသာတဝိုက်ကို လက်နက်ကြီးထုကာ ရှင်းလင်းရေးလုပ်ခြင်း ဖြစ်နိုင်ပြီး လူနာတင်ယာဥ်တစ်စီးလည်း ထိုရွာဖက်သို့ သွားသည်ကို တွေ့ခဲ့ရကြောင်းလည်း ကလေးမြောက်ပိုင်း နန်းချောင်းကျေးရွာသားတစ်ဦးက သုံးသပ်ပြောဆိုသည်။

စစ်ကောင်စီတပ်နှင့် ၄င်းတို့လက်ဝေခံပျူစောထီးတပ်များသည် ကလေးမြောက်ပိုင်းနှင့်တောင်ပိုင်းကို လက်နက်ကြီးများဖြင့်ရမ်းသမ်းပစ်ခတ်လေ့ရှိကာ လက်နက်ကြီးထိမှန်မှုကြောင့် ရပ်သားပြည်သူများစွာအသက်ဆုံးရှုံးခဲ့ရပြီး အိုးအိမ်ပစ္စည်းများစွာ ပျက်ဆီးခဲ့ရပြီးပြီဟု စစ်ရှောင်ကူညီသူတစ်ဦးကပြောပါသည်။

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်