၂၇ ၊ အောက်တိုဘာ၊၂၀၂၄
Zalen
မကွေးတိုင်း၊ဂန့်ဂေါခရိုင်၊ထီးလင်းမြို့နယ်ရှိ ကျခဲရွာကို ထီးလင်းမြို့ပေါ်တွင်တပ်စွဲထားကြတဲ့ စစ်ကောင်စီလက်အောက်ခံ စစ် သား၊ရဲသား၊ပျူစောထီး တပ်များက ယမန်နေ့ မနက်ပိုင်း ၄ နာရီမှာ ရွာထဲကိုအကြမ်း ဖက်၀င်စီးနင်းခဲ့တယ်လို့သိရပါတယ်။
အဲဒီလို၀င်စီးတဲ့အချိန်မှာသေနတ်တွေပစ်ဖောက်ပြီး ထွက်ပြေးတဲ့ရွာသူ၊ရွာသားတွေကိုသေနတ်နဲ့လိုက်ပစ်နေသလို ထွက်ပြေးဖို့အချိန်မရတဲ့သူတွေကို ဖမ်းဆီးပြီးသတ်ဖြတ်မီးရှို့တာတွေပြုလုပ်တယ်လို့ဆိုပါတယ်။
အဆိုပါဖမ်းဆီးမီးရှို့သတ်ဖြတ်တဲ့ သူတွေထဲမှာ အသက် ၃၀ ၀န်းကျင်အရွယ်အမျိုး သားလေးဦးပါ၀င်သလို သေနတ်နဲ့လိုက်လံပစ် ခတ်တဲ့အချိန်မှာထွက် ပြေးရင်း သွေးလွန်ပြီးသေဆုံသူတစ်ဦးအပြင် ဒဏ်ရာရှိသူတွေ၊ပျောက်ဆုံးနေသူတွေလည်း ရှိတယ်လို့ ဒေသခံတွေနဲ့နီးစပ်သူတွေထံကသိရပါတယ်။
” မနက် ၄ နာရီဆိုတာလူတွေအိပ်မောကျနေတဲ့အချိန်ဗျာ၊သူတို့ကရုတ်တရက်၀င်ပြီး သေနတ်တွေဖောက်ပြီး တော့ပြေးတဲ့သူတွေကို လိုက်ပစ်တယ်၊မပြေးတဲ့သူတွေကိုဖမ်းပြီးတော့အရှင်လတ် လတ်မီးရှို့သတ်ဖြတ်ကြတယ်ကြားတယ်၊တစ်ချို့ပြေးရင်းနဲ့ကျည်ထိလို့ဒဏ်ရာရတဲ့သူလည်းရှိတယ်”လို့ ဒေသခံတွေနဲ့နီးစပ်သူတစ်ဦး က Zalen ကိုပြောပါတယ်။
ဆက်လက်ပြီး သူက “သေနတ်နဲ့ပစ်လို့ပြေးရင်းသွေးလွန်ပြီးသေတဲ့သူလည်းပြန်တွေ့ကြတယ်ကြားတယ်၊ဒဏ်ရာရသူတွေလည်းရှိတယ်၊ပျောက်နေသေးတဲ့သူတွေရောရှိတယ်ကြားတယ်၊ဖုန်းလိုင်းဖြတ်ထားတော့ အသေး စိတ်ကိုဆက်သွယ်မရသေးဘူးဗျ” လို့ပြောပါတယ်။
ထီးလင်းမြို့နယ်ရှိကျခဲကျေးရွာဘက်ရှိတဲ့ဆက်သွယ်ေရးဖုန်းလိုင်း တွေကို အောက်တိုဘာ ၂၅ ရက်ကညနေပိုင်းကစပြီးဖြတ် တောက်ထားတာ အခုချိန်ထိပြန်မရသေးဘူးလို့လည်း သိရပါတယ်။
သတင်း – ယောနေ
