သေနတ်ကိုင်ဆောင်ပြီး ဝင်လာသော အသက် ၂၈ နှစ်အရွယ် ကျောင်းသူဟောင်း တစ်ဦးရဲ့ ပစ်ခတ်မှုကြောင့် တနင်္လာနေ့ မတ် ၂၆ ရက်တွင် အမေရိကန်နိုင်ငံ၊ တဲနီစီးပြည်နယ်၊ နတ်ချ်ဗီလ်းမြို့မှာ ကလေး ၃ ဦးနှင့် အရွယ်ရောက် ကျောင်းဝန်ထမ်း ၃ ဦး သေဆုံးသွားခဲ့ပါတယ်။
ပစ်ခတ်မှု ကျူးလွန်သူဟာ ယခင်က ဒီခရစ်ယာန်ကျောင်းတွင် ကျောင်းတက်ခဲ့ဖူးပြီး သူ့ကို ရဲများက ပြန်လည် ပစ်ခတ်သောကြောင့် သူလည်း သေဆုံးသွားခဲ့ပါတယ်။
သူဟာ ဒီပစ်ခတ်မှုကို ဘာကြောင့် ကျူးလွန်ခဲ့သလဲဆိုတာကတော့ သေချာမသိရသေးပါဘူး၊ ဒါပေမယ့် ပစ်ခတ်မှုကျူးလွန်သူဟာ ကျောင်းရဲ့ မြေပုံအသေးစိတ်ပုံကို ရေးဆွဲခဲ့ပါတယ်၊ ကျောင်းဝင်ပေါက်များကိုလည်း ထည့်သွင်းရေးဆွဲခဲ့ပါတယ်။ ဒီကျောင်းဟာ ခရစ်ယာန် ပရတ်ဘက်တီးရီးယန်ဂိုဏ်းက ဖွင့်လှစ်ထားသော ကျောင်းတစ်ခုဖြစ်ပြီး မူလတန်းကလေးများကို ပညာသင်ကြားပေးနေပါတယ်၊ တစ်နေ့တာ ကျောင်းစာ မတင်ခင် ဆုတောင်းခြင်းအရင်ဆုံး ပြုလုပ်သော ကျောင်းတစ်ခုလည်းဖြစ်ပါတယ်။
ပစ်ခတ်မှုကျူးလွန်သူဟာ အသက် ၂၈ နှစ်အရွယ်ရှိသော အော်ဒရေအယ်လီဇာဘတ်ဟု ရဲများက ပြောပြီး သူ့ဟာ အမျိုးသမီးဖြစ်ကြောင်း ဆိုကြသော်လည်း လိင်ပြောင်းထားသူ တစ်ဦးဖြစ်ကြောင်း ဆိုကြပါတယ်။ တစ်ချို့လူများရဲ့ ပြောဆိုချက်အရ ပစ်ခတ်မှု ကျူးလွန်သူဟာ ကလေးဘဝတုန်းက ဒီခရစ်ယာန်ကျောင်းကို တက်ခဲ့ချိန်တွင် မကျေနပ်မှု တစ်စုံတစ်ရာ ရှိခဲ့သောကြောင့် ဒီလို ပစ်ခတ်မှုကျူးလွန်တာဖြစ်နိုင်ကြောင်း ထင်ကြေးပေးနေကြပါတယ်။
