ခမ်းပါတ်မြို့ကို ၅ရက်တိုင် လေကြောင်းဖြင့်ဗုံးကြဲတိုက်ခိုက်နေ

၁၅၊ဒီဇင်ဘာ၊၂၀၂၃

Zalen

စစ်ကိုင်းတိုင်း၊ ခမ်းပါတ်မြို့ကို စစ်ကောင်စီက ဒီဇင်ဘာလ ၁၀ ရက်ကစပြီးမြေပြင်စစ်ကြောင်းသာမက လေကြောင်းနဲ့ပါ အပြင်းအထန် ထိုးစစ်ဆင်တိုက်ခိုက်နေပြီး ယနေ့ ဒီဇင်ဘာ ၁၅ရက်နေ့မှာလည်း Mi35စစ်ရဟတ်ယာဉ်နဲ့လာရောက်တိုက်ခိုက်တယ်လို့သိရပါတယ်။

တော်လှန်ရေးတပ်ဖွဲ့များက တိုက်ခိုက်သိမ်းပိုက်ထားတဲ့ ခမ်းပါတ်မြို့ကိုပြန်လည်ရရှိနိုင်ရေး စစ်ကောင်စီက အင်အား ၁၀၀ ကျော်ဖြင့်ထိုးစစ်ဆင်နေပြီး ဒီဇင်ဘာ ၁၀ရက်နေ့ကစပြီးတော်လှန်ရေးတပ်ဖွဲ့များနဲ့ ထိတွေ့တိုက်ပွဲဖြစ်ပွါးခဲ့တာလည်းဖြစ်ပါတယ်။

“ဒီဇင်ဘာ ၁၀ရက်ကတည်းက ဂျက်ဖိုက်တာနဲပဗုံး ၆လုံးကြဲတာ။ ၁၁ရက်နေ့တော့ လေယာဉ်မလာဘူး။တိုက်ပွဲအခြေနေတော့ တင်းမာနေပါတယ်။ကျွန်တော်တို့ဘက်ကလည်း အဖွဲ့အားလုံး ပူး​ပေါင်းပြီး သူတို့(စကစ)ကို ပြန်ခုခံနေတယ်။ဒီနေ့လည်း Mi35နဲ့ စက်သေနတ်ကော ဗုံးနဲ့ပါလာပစ်တယ်”လို့ ခမ်းပတ်မြို့ရှိ တော်လှန်ရေးတပ်ဖွဲ့ဝင်တစ်ဦးကပြောပါတယ်။

စစ်ကောင်စီက မြေပြင်၊ဝေဟင်သုံးပြီး ထိုးစစ်ဆင်နေပေမယ့် တော်လှန်ရေးတပ်ဖွဲ့များမြို့ကိုထိန်းချုပ်နိုင်ဆဲဖြစ်တယ်လို့လည်း ၎င်းကဆိုပါတယ်။

စစ်ကောင်စီက ဂျက်ဖိုက်တာဖြင့် ဒီဇင်ဘာ ၁၀ရက်နေ့မှာ ဗုံး၆လုံး၊ဒီဇင်ဘာ ၁၂ရက်နေ့မှာ ဗုံး ၄လုံး၊ဒီဇင်ဘာ ၁၃ရက်နေ့မှာ ဗုံး၅လုံး၊ဒီဇင်ဘာ ၁၄ရက်နေ့မှာ ဗုံး၃လုံးနဲ့ ယနေ့ ဒီဇင်ဘာ ၁၅ရက်နေ့မှာ စစ်ရဟတ်ယာဉ်(Mi35)တို့ဖြင့် လေကြောင်းအသုံးပြုပြီး ဗုံးကြဲတိုက်ခိုက်ပါတယ်။

ပြီးခဲ့တဲ့ ဒီဇင်ဘာ ၅ရက်​နေ့မှာလည်း စစ်ကောင်စီက ခမ်းပါတ်မြို့အဝင်မှာ ကင်းကျနေတဲ့တော်လှန်ရေး ရဲဘော်၇ဦးကိုဖမ်းဆီးခဲ့ပြီး၂ဦးထွက်ပြေးလွတ်မြောက်ခဲ့ကာ ၅ဦးကို စစ်ကောင်စီက သတ်ဖြတ်ခဲ့တယ်လို့လည်းသိရပါတယ်။

သတင်း-HAK

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်