ချင်းပြည်နယ်၏လူဉီးရေ ထက်ဝက်နီးပါး စစ်ဘေးတိမ်းရှောင်နေရဟု CHRO ထုတ်ပြန်

၅ ၊ ဇွန် ၊ ၂၀၂၄

Zalen

ချင်းပြည်နယ် တွင်လူဉီးရေ ငါးသိန်းကျော်ရှိသည့်အနက် ထက်ဝက်နီးပါး ဖြစ်တဲ့နှစ်သိန်းခွဲခန့်ဟာ မိမိတို့နေရပ်မှာ နေထိုင်ဖို့အဆင်မပြေဖြစ်လာတဲ့အတွက် ပြည်တွင်း/ပကိုစစ်ဘေးရှောင်နေကြတယ်လို့ ဇွန်လ ၃ ရက်နေ့က ချင်းလူ့အခွင့်အရေးအဖွဲ့အစည်း(CHRO)ကထုတ်ပြန်ထားပါတယ်။

အဆိုပါထုတ်ပြန်ချက်မှာတော့ တစ်ချို့စစ်ဘေးရှောင်ဒုက္ခသည်တွေဟာ လူသားချင်းစာနာမှုဆိုင်ရာအကူအညီတွေအပြည့်အဝမရရှိတဲ့အခြေအနေ ကြုံတွေ့နေကြရတယ်လို့ဆိုပါတယ်။

အာဏာသိမ်းပြီးနောက်ပိုင် ချင်းပြည်နယ်ကစစ်ဘေးရှောင်တွေဟာ အိန္ဒိယ ဘက်ကိုအများအားဖြင့်ရှောင်ကြတယ်လို့သိရပါတယ်။ပြီးခဲ့တဲ့လ တွန်းဇံ၊တီးတိန် မြို့သိမ်းတိုက်ပွဲမှာလည်း ပြည်သူတွေဟာ ကလေးဘက်ကို စစ်ဘေးရှောင်နေကြပါတယ်။

ဇွန်လ(၃)ရက်နေ့ကလည်း မင်းတပ်မြို့ပေါ်ကနေ ပြည်မဘက်ကိုစစ်ဘေးရှောင်ဖို့ သွားတဲ့ ကား ၃ စီး (သက်ကြီးရွယ်အို၊ကလေးငယ်များ ပိုများ) ကို စစ်ကောင်စီကထွက်ခွင့်မပြုဘူးလို့သိရပါတယ်။

အကြမ်းဖက်စစ်ကောင်စီဟာ အာဏာသိမ်းပြီး ၂၀၂၁၊ဖေဖော်ဝါရီလမှ ၂၀၂၄ ၊ဧပြီလအထိ ချင်းပြည်နယ်အတွင်း စစ်ကောင်စီ၏လေကြောင်း ဖြင့်တိုက်ခိုက်ခြင်း၊လက်နက်ကြီးထိမှန်ပျက်စီးခြင်း၊မီးရှို့ဖျက်ဆီးခြင်း တို့ကြောင့်သာသနာ့အဆောက်အဉီ ၁၁၆ လုံး၊ ဆေးရုံ၊ဆေးခန်း ၂၆ လုံး၊စာသင်ကျောင်း ၄၉ လုံး ထိခိုက်ပျက်စီးခဲ့တယ်လို့ သိရပါတယ်။

မြန်မာနိုင်ငံတစ်နိုင်ငံလုံး ရှိအိုးအိမ်စွန့်ခွာ ထွက်ပြေးနေရတဲ့ ဒုက္ခသည် ဉီးရေဟာ သုံးသန်းကျော်ရှိနေတယ်လို့ ကုလသမဂ္ဂလူးသားချင်းစာနာမှုဆိုင်ရာ ညှိနှိုင်းရေးရုံး (UNOCHA)၏ စာရင်း အရသိရပါတယ်။

မိုးပီအောင်

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်