စက္ကန့်မှာတပ်စွဲထားတဲ့ စစ်ကောင်စီတပ်ကိုကာကွယ်ရေးတပ်က တိုက်ခိုက်၊ စစ်ကောင်စီတပ်သားတစ်ဦးသေဆုံး

၂၆ အောက်တိုဘာ၊၂၀၂၃

စစ်ကိုင်းတိုင်း၊ ကလေးမြို့နယ် အနောက်တောင်ပိုင်း၊ စက္ကန့်ကျေးရွာမှာတပ်စွဲထားတဲ့ စစ်ကောင်စီတပ်ကိုဒီကနေ့ အောက်တိုဘာ ၂၆ရက်နေ့ မနက် ၁၁နာရီလောက်မှာ ကာကွယ်ရေးတပ်တွေက သွားရောက်တိုက်ခိုက်ခဲ့ပြီး စစ်ကောင်စီတပ်သားတစ်ဦးသေဆုံးခဲ့တယ်လို့ သိရပါတယ်။

စစ်ကောင်စီတပ်တွေဟာ စက္ကန့်ကျေးရွာအဝင်ကျောက်ခွဲစက်အနီး တာဝါတိုင်အောက်မှာဘန်ကာအခိုင်အမာတည်ဆောက်ထားပြီးစက္ကန့်ရွာကို စီးနင်းထားတာဖြစ်ပါတယ်။

“ဒီမနက် ၁၁နာရီလောက်မှာ ကျွန်တော်တို့ဖက်ကစပြီးသွားတိုက်တာ။ တိုက်ပွဲကြာချိန်နာရီဝက်၊ တစ်နာရီလောက်ဖြစ်မယ်။ ခွေးတွေဖက်ကတစ်ကောင်သေတယ်။ ကိုယ်တွေဖက်ကတော့အထိခိုက်မရှိဘူး။ သူတို့ဖက်ကအထိနာသွားတော့ ဒရုန်းနှစ်စင်းနဲ့ အီနာဂါဗုံးတွေလာချတယ်။ဒရုန်းတစ်စင်းကိုကျွန်တော်တို့ဖက်က ပစ်ခတ်ဖျက်စီးနိုင်ခဲ့ပါတယ်” လို့ ကလေးပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောပါတယ်။

စစ်ကောင်စီတပ်တွေဟာ စက္ကန့်ကျေးရွာကိုတစ်လကျော်ခန့်စီးနင်းထားပြီး နေ့စဥ်ရက်ဆက်ရွာကိုမီးရှို့ဖျက်ဆီးနေတာဖြစ်ပါတယ်။ အိမ်ခြေ ၉၀၀ခန့်ရှိတဲ့ စက္ကန့်ကျေးရွာဟာစစ်ကောင်စီတပ်ရဲ့ မီးရှို့ဖျက်ဆီးမှုကြောင့် ရွာလုံးကျွတ်နီးပါးပြာကျသွားခဲ့ပြီး ဒေသခံပြည်သူထောင်နဲ့ ချီဟာလည်း ဘေးလွတ်ရာကိုတိမ်းရှောင်နေရတာဖြစ်ပါတယ်။

ဒေမီယံ

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်