၁၉၊ ဖေဖော်ဝါရီလ၊ ၂၀၂၄
Zalen
ချင်းပြည်နယ်၊ ဖလမ်းမြို့၊ ခလရ ၂၆၈ တပ်ရင်းက စစ်ကောင်စီ သား၊ သမီးများ ကျောင်းလိုက်ပို့တဲ့ စစ်ကားတစ်စီးကို ယနေ့ မနက် ၈ နာရီဝန်းကျင်းတွင် CNDF တပ်ဖွဲ့က ပစ်ခတ်လို့ ထိခိုက်သေဆုံးမှုများရှိတယ်လို့ သတင်းရရှိပါတယ်။
CNO ပြောရေးဆိုခွင့်ရှိသူ ဆလိုင်းကျူံးငိုင်းက “ကျနော်တို့အဖွဲ့ပစ်တာမှန်ပါတယ်။ တပ်ကုန်းကနေဆင်းလာတုန်း ကျင်မွှာလ်ရပ်ကွက်မှာ ကျနော်တို့ရဲဘော်တွေက ပစ်တယ်။ စစ်ကားပေါ်မှာ စစ်ကောင်စီတပ်သား ၅ ယောက်လည်းပါတယ်။ အခုလိုပစ်တာက မြို့ထဲမှာ ရမ်းကားလာလို့။ ပြီးတော့ CDM မဝင်သေးတဲ့သူတွေ ဝင်လာစေချင်တယ်။ စစ်ကောင်စီဘက်ကလူတွေဆို လက်နက်နဲ့ဝင်လာရင် ဆုကြေးငွေချီးမြှင့်မယ့်အပြင် လုံခြုံတဲ့နေရာထိပို့ပေးမယ်” လို့ပြောပါတယ်။
ယင်းပစ်ခတ်မှုကြောင့် ယာဉ်မောင်းသေဆုံးပြီး ဒဏ်ရာရတဲ့သူတွေလည်းရှိတယ်လို့ အနီးနားမှာရှိတဲ့ ဒေသခံတွေကဆိုပါတယ်။ နေ့လည်ပိုင်းတွင် ဖလမ်းမြို့မှာ စစ်ရဟတ်ယာဉ်တစ်စီးဆင်းလာပြီး တပ်ကုန်းကနေ လိုင်လွန်ဂူဘက်သို့ လက်နက်ကြီးကို ရမ်းသမ်းပစ်ခတ်ကြတယ်လို့သိရတယ်။
သတင်း-EP
