ဇိုခွါသာရ် နယ်စပ်ဂိတ် ပုံမှန်အတိုင်းပြန်ဖွင့်၊မေလ ၁ ရက်နေ့ အပြီးပိတ်ဖို့ အစီအစဉ်ကိုလည်း ရုပ်သိမ်း

၂၆၊ဧပြီ ၊၂၀၂၄

Zalen

အိန္ဒိယ နိုင်ငံပြည်သူ့ရွေးကောက်ပွဲကို အကြောင်းပြကာ ဧပြီလ ၁၇ ကနေ ၁၉ ရက်အထိပိတ်ပင်ခဲ့တဲ့ ဇိုခေါသာရ်-ရိဒ်ခေါဒါရ် နယ်စပ်ဂိတ်တံတားကို မနေ့ ဧပြီလ ၂၅ ရက်ကနေစပြီး ပုံမှန်အတိုင်းပြန်လည်ဖွင့်လှစ်ခဲ့ တယ်လို့ သိရပြီး မေလ ၁ ရက်ကနေအပြီးပိုင်ပိတ်ဖို့ စီစဉ်ထားတဲ့ အစီအစဉ်ကိုလည်း ပြန်လည်ရုပ်သိမ်း တယ် လို့ ဒေသသတင်း Zonet ကဧပြီလ ၂၅ ရက်မှာ ဖော်ပြထားပါတယ်။

အမှတ် ၂ နယ်စပ်ကုန်သွယ်ရေးစခန်းရှိရာ ဇိုခေါသာရ်-ရိဒ်ခေါဒါရ် နယ်စပ်ဂိတ်တံတားကို ၂ ရက်ကြာပိတ်ပင်ခဲ့ ပြီးနောက် ဧပြီလ ၂၀ ရက်ကနေပြန်လည်ဖွင့်လှစ်ပေမယ့် ကျန်းမာရေး၊ ပညာရေး စတဲ့အရေးကိစ္စတွေနဲ့ ပတ်သက်တဲ့သူတွေကို ပဲအကန့်အသတ်နဲ့ဝင်ထွက်ခွင့်ပေးခဲ့တာပါ။

ဇိုခေါသာရ်ရှိ အာသံရိုင်ဖယ်တပ်ဖွဲ့ဝင်များက ပြီးခဲ့တဲ့ အင်္ဂါနေ့မှာ နယ်စပ်အနီးနားမှာရှိတဲ့ ကျေးရွာတာဝန်ရှိသူ များနဲ့တွေ့ဆုံခဲ့ပြီး နယ်စပ်ဂိတ်ပိတ်မယ့်ကိစ္စကို ဆက်လက်လုပ်ဆောင်သွားမှာဖြစ်တဲ့အကြာင်း၊ဧပြီလ အတွင်း ကိုချွင်းချက်အနေနဲ့ ဖြတ်သန်းခွင့်ပြုမှာဖြစ်ကြောင်းနဲ့ မေလ ၁ ရက်နေ့ကနေစပြီး ကျန်ဖိုင်ခရိုင်အတွင်းရှိ နယ်စပ်ဂိတ် အားလုံးကိုအပြီးပိုင်ပိတ်တော့မှာဖြစ် ကြောင်း ပြောကြားခဲ့ပါတယ်။

အဲဒီလိုနယ်စပ်ဂိတ် ပိတ်မယ့်ကိစ္စကို ဧပြီလ ၂၅ ရက်မှာ အိန္ဒိယ ဗဟိုအစိုးရပြည်ထဲရေးဝန်ကြီးရုံးဘက်ကနေ ပြန်လည်ရုပ်သိမ်းခဲ့ပြီး အရင်ကလို ပုံမှန်အတိုင်းပြန်လည်ဖွင့်လှစ်ခဲ့ကာ မေလ ၁ ရက်နေ့ကနေ အပြီးပိတ်မယ့်ကိစ္စကိုလည်း ပြန်လည်ရုပ်သိမ်းခဲ့တာပါ။

နယ်စပ်ဂိတ်ကို အပြီးပိုင်ပိတ်မယ် ဆိုရင်နှစ်နိုင်ငံ နယ်စပ်နားမှာ ရှိတဲ့ကျေးရွာနေ ပြည်သူများအတွက် စားဝတ်နေရေး ကိစ္စများကို အများကြီးထိခိုက်မှာဖြစ်တာကြောင့် အဲဒီကိစ္စကို လက်မခံနိုင်ကြောင်း ဇိုခေါသာရ်ရပ်ကျေးတာဝန်ရှိသူတွေက ပြောခဲ့ကြတယ်။

ဒါ့အပြင် ကျန်ဖိုင် Sub Headquarter YMA အဖွဲ့က နယ်စပ်ခြံစည်းရိုး မခတ်ဖို့နဲ့ Free Movement Regime မ ဖျက်သိမ်း ဖို့စီစဉ်လျက်ရှိသလို ကျန်ဖိုင်ခရိုင် ZPM ပါတီကလည်း ဒီကိစ္စကို လက်မခံနိုင်တဲ့အကြောင်း ပြောကြားခဲ့ကြပါတယ်။

အခုလို နယ်စပ်ဂိတ်ပိတ်ဖို့ ဖြစ်လာတာဟာ မြန်မာဘက်ကနေ တရားမဝင် မူးယစ်ဆေးဝါးများဝင်ရောက်မှု များ တာကြောင့်ရယ် မှတ်တမ်းတင်ထားခြင်းမရှိတဲ့ စစ်ဘေးရှောင်အများအပြားဝင်လာခြင်းကြောင့် ဖြစ်တယ် လို့ ဇိုခေါသာရ်ရှိ အာသံရိုင်ဖယ် တပ်ဖွဲ့တွေက ပြောကြားခဲ့တယ် လို့သိပါတယ်။

သတင်း- Grace

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်