ညောင်ဦးမြို့နယ်ရှိ တော်လှန်ရေးတပ် လက်နက်စခန်းကို စစ်ကောင်စီက သိမ်းပိုက်မီးရှို့ပြီး ၇ ဦးကိုပါ သတ်ဖြတ်သွား

ညောင်ဦးမြို့နယ်ရှိ ဒေသခံတော်လှန်ရေး ပုဂံပြည်ဘီလူးတပ် (Bagan Ogre Force)တပ်ဖွဲ့၏ စစ်လက်နက် သိုလှောင်စခန်းမှာစစ်တပ်၏ သိမ်းပိုက်မှုခံရပြီး ကျပ်သိန်း ၂၀၀၀ ခန့် တန်ဖိုးရှိ လက်နက်ခဲယမ်းများဆုံးရှုံးခဲ့ရကြောင်း သိရသည်။

မန္တလေးတိုင်း၊ ညောင်ဦးမြို့နယ်၊ သနပ်ပင်ကျေးရွာအနီးရှိ Bagan Ogre Forceတပ်ဖွဲ့၏ စစ်လက်နက် သိုလှောင်စခန်းကို ဇူလိုင် ၁၃ ရက်၊ နံနက် ၄ နာရီခန့်က စစ်တပ်အင်အား ၁၀၀ ခန့်နှင့်စီးနင်းခဲ့ခြင်းဖြစ်ပြီး ရဲဘော် ၁ ဦးနှင့် ပြည်သူ ၆ ဦးကိုပါ သတ်ဖြတ်သွားကြောင်း သိရသည်။

“အစောင့်ရဲဘော် တစ်ယောက်ထိမှန်ပြီးဖမ်းခံရတယ်။ ပြီးတော့ အနီးနားကျေးရွာပြည်သူ ၆ ယောက်ကိုပါဖမ်းပြီး အားလုံးကို သတ်လိုက်တယ်။ အသေးစိတ်တော့ မသိရသေးဘူး” ဟု Bagan Ogre Force တပ်ဖွဲ့တာဝန်ရှိသူက ဆိုသည်။

စီးနင်းခံရမှုကြောင့် KIA ထုတ် ပါရီ ၇ လက်၊ ကျည်ဘောက် ၂၄ ခု၊ 7.62 ကျည် ၂၀၀၀ နီးပါး၊ 380 ပစ္စတို ၁လက်၊ 380 ကျည် နှင့် ၉မမ ကျည် ၇၀ ကျော်အပြင် လက်ပစ်ဗုံး ၁၀လုံးနှင့် အခြား ဆက်စပ် ပစ္စည်းများကို စစ်ကောင်စီက ရရှိသွားပြီး ကာလတန်ဖိုး သိန်း ၂၀၀၀ ခန့်ဆုံးရှိကြောင်း သိရသည်။

“ဝင်စီးခံရတဲ့နေရာက စခန်းမဟုတ်ပါဘူး။ ခေတ္တပစ္စည်းထားတဲ့နေရာပါ။ လမ်းကြောင်းအခြေအနေအရ ပစ္စည်းတွေကို တစ်နေရာပြီးတစ်နေရာရွေ့ထားရင်း အဲဒီအခင်းဖြစ်နေရာမှာ ခဏစုထားတာပါ” ဟု ၎င်းက ဆက်ပြောသည်။

ပုဂံပြည်ဘီလူးတပ် (Bagan Ogre Force)တပ်ဖွဲ့မှာ မန္တလေး၊ စစ်ကိုင်းနှင့် မကွေးတိုင်းဒေသများ၌ စစ်ကောင်စီကို ချေမှုန်းကာ စစ်ရေးလူပ်ရှားနေသောတော်လှန်ရေးတပ်ပါ။ အထက်ပါဖြစ်စဥ်အပြီး၌ စစ်ကောင်စီက အနီးနားရှိ ကျေးရွာများကိုလည်း မီးရှို့ ဖျက်ဆီးခဲ့သောကြောင့် နောက်ထပ် သေဆုံးထိခိုက်မှုများကို Bagan Ogre Force တပ်ဖွဲ့ က စီစစ်နေဆဲဟု သိရသည်။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်