တီးတိန်နဲ့ တီအိုချောင်းကြားရှိတဲ့ မံဆောင်းမြစ်ကူးတံတားကို စစ်ကောင်စီကမိုင်းခွဲဖျက်ဆီး

၈၊ဇွန်၊၂၀၂၄

Zalen

ချင်းပြည်နယ်၊တီးတန်မြို့နဲ့နယ်စပ်တီအိုချောင်းလမ်းကြားရှိ မံဆောင်းတံတားကို စစ်ကောင်စီက ယနေ့ ဇွန်လ မနက်၈နာရီဝန်းကျင်မှာ မိုင်းခွဲပြီးဖျက်ဆီးတယ်လို့ သိရပါတယ်။

တီးတိန်မြို့မှာ ရှိတဲ့ စစ်ကောင်စီတပ်က မနက်မှာ

မံဆောင်းတံတားကိုသွားရောက် ဖောက်ခွဲဖျက်ဆီးခဲ့တာဖြစ်ပြီး တီးတိန်နဲ့ ၃မိုင်ဝန်းကျင်ဝေးတဲ့ Lamzang ရွာရှိ အရပ်သားတစ်ချို့ကိုလည်း ဖမ်းဆီးခဲ့တယ်လို့သိရပါတယ်။

“တံတားဘက်ကိုအသွားမှာ ရွာကလူငယ်တွေကိုဖမ်းပြီး အိမ်တအိမ်မှာစုပြီးဖမ်းထားတယ်။သူတို့တံတားခွဲပြီး အပြန်မှာ ပြန်လွတ်ပေးတယ်။စကစတွေလည်းတီးတိန်မြို့ထဲပြန်ဝင်သွားပြီ”လို့ ဒေသခံတစ်ဦးထံကသိရပါတယ်။

မံဆောင်းတံတားဟာ ကလေးနယ်နှင့်ချင်းပြည်နယ်မှ အိန္ဒိယနယ်စပ်တီအိုချောင်းကိုသွားလာဖို့အသုံးပြုတဲ့ အဓိက မြစ်ကူးတံတားတစ်ခုလည်းဖြစ်ပါတယ်။

သတင်း- HAK