တီးတိန်မြို့နယ်မှာ ဆိုင်ကယ်မှောက်ပြီးသေဆုံးတဲ့ အမည်မသိ အမျိုးသားအလောင်းတွေ့ရှိ

စက်တင်ဘာ ၂၀၊ ၂၀၂၃

 ချင်းပြည်နယ်၊ တီးတိန်မြို့နယ်၊ တုန်းဇံကျေးရွာနဲ့ ငါလ်ဘွားလ် (Ngal Bual) ကျေးရွာကြားမှာ ဆိုင်ကယ်မှောက်ပြီး အမျိုးသားတစ်ဦး သေဆုံးနေတာကိုစက်တင်ဘာ ၁၉ရက်နေ့က တွေ့ခဲ့တယ်လို့ ဒေသခံတွေကပြောပါတယ်။

သေဆုံးသူ အမျိုးသားဟာ ဘယ်သူဘယ်ဝါ ဖြစ်တယ်ဆိုတာ ကို အတိအကျမသိရှိရသေးဘူးလို့ ဒေသခံတွေကပြောပါတယ်။

” ဆိုင်ကယ်နဲ့ ယောက်ျားလေးတစ်ယောက်လဲ နေတာကို တွေ့တာပဲ။ ဘယ်သူဘယ်ဝါမှန်းမသိဘူး။ မိုးကလည်းရွာနေတော့ လမ်းချော်ပြီး မှောက်တာဖြစ်မယ်။ တွေတဲ့ချိန်မှာ သူက သေနေပြီ” လို့ ဒေသခံတစ်ဦးက ပြောပါတယ်။

လက်ရှိ သေဆုံးသူအမျိုးသားရဲ့ အလောင်းကို ငါလ်ဘွားလ် (Ngal Baul) ZYA လူမှုကူညီရေးအသင်းက ထိန်းသိမ်းပေးထားတယ်လို့ သိရပါတယ်။