တီးတိန်မြို့နယ်၊ သိုင်ငင်းကျေးရွာက စစ်ကောင်စီ စစ်ဆေးရေးဂိတ်ကို PDF Zoland,CDF CDM Siyin ဝင်တိုက်

၃၊ နိုဝင်ဘာ၊ ၂၀၂၃

Zalen

ချင်းပြည်နယ်၊ တီးတိန်မြို့နယ်၊ သိုင်ငင်းကျေးရွာမှာ ရှိတဲ့ စစ်ကောင်စီတပ်တွေရဲ့ စစ်ဆေးရေးဂိတ် စခန်းကို စီးယင်း ဒေသကာကွယ်ရေး PDF Zoland, CDF CDM Siyin အဖွဲ့က နိုဝင်ဘာ ၃ရက်နေ့ မနက်အစောပိုင်းမှာ ဝင်ရောက်တိုက်ခိုက်ခဲ့တယ်လို့ သိရပါတယ်။

“ မနက်အစောကြီး အသံတွေကြားရတယ်။ စစ်ဆေးရေးဂိတ်မှာ တိုက်ပွဲဖြစ်တာပါ။ အထိအခိုက်အကျအဆုံးကတော့ မသိရသေးဘူး” လို့ သိုင်းငင်းကျေးရွာ ဒေသခံတစ်ဦးက ပြောပါတယ်။

သိုင်းငင်းစစ်ဆေးရေးဂိတ်ဟာ ခရီးသွားလာတဲ့ပြည်သူတွေကို မှတ်ပုံတင်စစ်ဆေးတာ၊ ပစ္စည်းတွေ စစ်ဆေးတာတွေ လုပ်ဆောင်နေပြီး ကုန်တင်ကားတွေကို ငွေကြေး အဆမတန်ကောက်ခံတာမျိုးတွေ ရှိနေတာဖြစ်တယ်လို့ ဒေသခံတွေက ပြောပါတယ်။

နိုဝင်ဘာ၂ရက်နေ့ ညပိုင်းမှာလည်း ကလေးမြို့၊ စက်မှုဇုန်အနီးမှာ ဒေသကာကွယ်ရေးအဖွဲ့တွေနဲ့ စစ်ကောင်စီတပ်တို့အကြား ပစ်ခတ်တိုက်ခိုက်မှုတွေရှိခဲ့ပြီး ပစ်ခတ်သံတွေကို ကြားနေရတာ ငါးရက်ဆက်တိုက်ရှိပြီလို့ ဒေသခံတွေက ပြောပါတယ်။

ချစ်ခြင်းနွေ

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်