နွေဦး‌တော်လှန်ရေးကာလအတွင်း ကျဆုံးသူ(၃၇၃၆) ဦးရှိပြီး၊ မတရားဖမ်းဆီးခံရသူ (၂၃၆၅၁) ဦးထိရှိကြောင်း AAPP ထုတ်ပြန်

၂၀၂၁ ခုနှစ်၊ ဖေဖော်ဝါရီလ ၁ ရက်နေ့မှစ၍ စစ်ကောင်စီက မတရားစစ်အာဏာသိမ်းမှုဖြစ်စဉ်ကို ဆန့်ကျင်ခဲ့ကြသည့် ဒီမိုကရေစီရေး လှုပ်ရှားသူများနှင့် အရပ်သားပြည်သူများ၏ နွေဦးတော်လှန်ရေးကာလအတွင်း ကျဆုံးခဲ့သူ (၃၇၃၆) ဦး ရှိခဲ့ပြီဟု နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)က ဇွန်လ ၃၀ ရက် ဒီကနေ့ ထုတ်ပြန်ထားသည်။

ထို့အပြင် ဖမ်းဆီးခံခဲ့ရသူ စုစုပေါင်း (၂၃၆၅၁) ဦးရှိပြီး ၎င်းအထဲမှ (၁၉၂၉၅) ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ (၆၆၂၁) ဦးမှာ ထောင်ဒဏ်ချမှတ်ခြင်းခံထားရဟု ဆိုသည်။

မြန်မာနိုင်ငံ နွေဦးတော်လှန်ရေးနှင့်ဆက်စပ်၍ ၂၀၂၃ ခုနှစ်၊ ဇွန်လ ၃၀ ရက်ထိ သေဒဏ်ချမှတ်ခံထားရပြီး အကျဉ်းထောင်များတွင် ထိန်းသိမ်းခံနေရသူ စုစုပေါင်း (၁၁၅) ဦးရှိသည်။ သေဒဏ်ချမှတ်ခံထားရသူ (၄၂) ဦး အပါအဝင် (၁၂၁) ဦးမှာ ပြစ်ဒဏ်ချမှတ်ခြင်းခံထားရသည်။

ထို့ကြောင့် သေဒဏ်ချမှတ်ခံထားရသူ စုစုပေါင်း (၁၅၇) ဦး ရှိပြီဖြစ်သည်။ ဖမ်းဆီးခံရပြီးနောက် ပြန်လည်လွတ်မြောက်လာသူဦးရေမှာ (၄၃၅၆) ဦးရှိပြီဟုလည်း ၎င်းက ထုတ်ပြန်ထားသည်။ မြန်မာနိုင်ငံတဝန်း ပညာရေးကဏ္ဍမှ ဆရာ၊ ဆရာမများ အပါအဝင် ဝန်ထမ်း အမျိုးသား (၂၂၁) ဦးနှင့် အမျိုးသမီး (၂၄၉) ဦး စုစုပေါင်း (၄၇၀) ဦးကို အကြမ်းဖက်စစ်အုပ်စုက ဖမ်းဆီးခဲ့သည်။

ထို (၄၇၀) ဦးအနက် မန္တလေးတိုင်းမှာ (၁၀၈) ဦးဖြင့် အများဆုံး ဖမ်းဆီးခံရပြီး မတရားသော ပုဒ်မများဖြင့် ထောင်ဒဏ်ချမှတ်ခံထားရသူ (၁၁၈) ဦး ပါဝင်သည်ဟု AAPP ထုတ်ပြန်ချက်အရ သိရှိရသည်။

နောက်ဆုံးရသတင်းများ

YLA က မီဇိုရမ်-ရခိုင်လမ်းကို ပိတ်ဆို့မှုကြောင့် ဘာတွေ ရိုက်ခတ်လာမလဲ?

R. Lakher Young Lai Association (YLA) သည် မကြာသေးမီက အိန္ဒိယနိုင်ငံ Act East Policy နှင့်ကုလားတန်-ဘက်စုံစီမံကိန်းများ  ၏ အစိတ်အပိုင်းတစ်ခုဖြစ်သော အင်ဒို-မြန်မာ အမျိုးသားအဝေးပြေးလမ်းမကြီးကို ဇွန်လ ၂၄ ရက်၊ ...

ဆက်ဖတ်ရန်