ပလက်ဝမြို့နယ်တွင် ကျေးရွာမှာစခန်းချတဲ့ စစ်ကောင်စီတပ်သားများက ရွာသားများအား ဆဲဆိုရိုင်းပြမူတွေ ရှိလာ

ချင်းပြည်နယ်၊ ပလက်ဝမြို့နယ်တွင် ကျေးရွာအနီးနား စခန်းချ‌နေထိုင်သည့် စစ်ကောင်စီတပ်ဖွဲ့ဝင်များက ရွာသားများရဲ့ပစ္စည်းကို မတန်တဆစျေးနိမ်ပြီးတောင်းရာ ဆဲဆိုရိုင်းပြမူတွေ ပြုလုပ်လာကြောင်းသတင်းရရှိသည်။

စစ်ကောင်စီတပ်ဖွဲ့ဝင်များသည် ရွာသားတွေထံက ဈေးဝယ်ရာ၌ မတန်တဆ ဈေးနိမ်ပြီး ဝယ်ယူတက်ကြသည်။ ၎င်းတို့ ‌ပေးသည့် ဈေးအတိုင်း မရောင်းလျှင် ဆဲဆိုရိုင်းပြမူ‌တွေ ပြုလုပ်သည်ဟု ဒေသခံတွေ ဆိုသည်။

“စစ်သားတွေက ကြက်လာဝယ်တာပါ၊ ဈေးက မတန်တဆနဲ့ ဈေးဆစ်တယ်၊ ကျွန်တော်တို့ လိုချင်တဲ့ ဈေးမရတော့ မရောင်းဘူးပေါ့၊ အဲ့ဒါကို စစ်သားတွေက စစ်တပ်ထဲမှာ ဆဲသလိုမျိုး ဆဲတယ်၊ ရိုင်းရိုင်းစိုးင်းစိုင်း ပြောတယ်” ဟု ဆိုသည်။

ထို့အပြင် စစ်ကောင်စီက ၎င်းတို့ လုံခြုံရေးအတွက် စခန်းဘေးပတ်လည်အပြင် ကျေးရွာအနီးနားတွင် မြေမြုပ်မိုင်းတွေ ထောင်ထားပြီး ရွာသားများအား အသွားလာ ကန့်သတ်ထားတယ်လို့ ဒေသခံတွေက ဆိုပါသည်။

 “ကျွန်တော်တို့က ကိုယ့်ရွာအနီးနားဆိုတော့ ပုံမှန်အတိုင်းသွားလာချင်ကြတယ်၊ အဲ့ဒါကို သူတို့က အသံအကျယ်ကြီးနဲ့ အဲ့ဘက် မသွားနဲ့ သေချင်တာလား၊ မသာပေါ်သွားမယ်ဆိုပြီး မိုက်ရိုင်းစွာ ဆဲဆိုတယ်” ဟု ဆိုသည်။

စစ်တပ်အာဏာသိမ်းပြီး ပလက်ဝမြို့နယ်ရှိ ရွာကြီးတွေမှာ စစ်ကောင်စီက စခန်းချနေထိုင်ပြီး ကျန်းမာရေး၊ လူမူရေးဖြစ် ပြည်သူများအား စည်းရုံးရေးတွေ မကြာခဏ ပြုလုပ်သည်ဟု သိရှိရသည်။

နောက်ဆုံးရသတင်းများ

မြန်မာ့အရေး အိန္ဒိယ အလန့်တကြား အလေးထားလာ

R.Lakher ညီနောင်မဟာမိတ် (၃) ဖွဲ့ ၏ ရှမ်းပြည်နယ် မြောက်ပိုင်း ၁၀၂၇ စစ်ဆင်ရေး အောင်မြင်မှုရလဒ်များနှင့်အတူ တစ်နိုင်ငံလုံးနီးပါး ကူးစက်လာသော စစ်ဆင်ရေးကြီးများ၊ စခန်းသိမ်းတိုက်ပွဲများ၊ အထူးသဖြင့် တကျော့ပြန် ခရိုင်ပြည်နယ်စစ်ပွဲများ၊ ချင်းပြည်နှင့် စစ်ကိုင်းတိုင်းစစ်ပွဲကြီးများ ကြောင့်အိန္ဒိယနိုင်ငံ ...

ဆက်ဖတ်ရန်