ပလက်ဝမြို့နယ်အတွင်းရှိ စစ်ကောင်စီလက်အောက်ခံ ဝန်ထမ်းတွေ ပြည်သူ့ရင်ခွင်သို့ ခိုလှုံကြရန် ပလက်ဝခရိုင်ကောင်စီ ထုတ်ပြန်

၁၄ ရက်၊ နိုဝင်ဘာလ၊ ၂၀၂၃ ခုနှစ်

Zalen

ချင်းပြည်နယ်၊ ပလက်ဝမြို့နယ်အတွင်းရှိ စစ်ကောင်စီတပ်ဖွဲ့ဝင်နဲ့ ရဲတပ်ဖွဲ့ဝင်အပြင် အခြားဝန်ထမ်းတွေအနေဖြင့် ပြည်သူ့ရင်ခွင်သို့ ခိုလှုံကြရန် ပလက်ဝ ကိုယ်ပိုင်အုပ်ချုပ်သောခရိုင် ကောင်စီက ယနေ့ နိုဝင်ဘာ ၁၃ ရက်နေ့ မှာ ထုတ်ပြန်ထားပါတယ်။

အဆိုပါ ထုတ်ပြန်ချက်တွင် ပလက်ဝ ကိုယ်ပိုင်အုပ်ချုပ်သောခရိုင် ကောင်စီ၊ ချင်းလဲန်းကာကွယ်ရေးတပ်ဖွဲ့ (ပလက်ဝ) နဲ့ ဆက်သွယ်၍ ဖြစ်စေ၊ မဟာမိတ်တော်လှန်ရေးအဖွဲ့အစည်းတွေရဲ့ တပ်ရင်း၊ တပ်ဖွဲ့တွေနဲ့ ဆက်သွယ်၍ဖြစ်စေ ပြည်သူ့ရင်ခွင်ခိုလှုံကြရန် အသိပေးထားပါတယ်။

ပြည်သူ့ရင်ခွင်ထံခိုလှုံလာတဲ့ စစ်သား၊ ရဲတပ်ဖွဲ့ဝင်တွေကို အသက်အန္တရာယ်လုံခြုံရေးကို အာမခံတဲ့အပြင်၊  လူ့ဂုဏ်သိက္ခာနဲ့အညီ မည်သည့် ညှည်းပန်း နှိပ်စက်မှု၊ ဖမ်းဆီးချုပ်နှောင်မှုမရှိဘဲ ဘေးကင်းလုံခြုံတဲ့နေရာကို ပို့ဆောင်ပေးသွားမယ်လို့ ဆိုပါတယ်။

ပလက်ဝခရိုင်အတွင်းရှိ ပြည်သူများအနေဖြင့် စစ်ဆင်ရေးကာလအတွင်း အကြမ်းဖက် စစ်ကောင်စီကို တိုက်ရိုက် ဖြစ်စေ၊ သွယ်ဝိုက်ပြီးဖြစ်စေ အားပေးထောက်ခံခြင်း၊ ဒေါက်တိုင်ပြုလုပ်ခြင်း စတဲ့လုပ်ရပ်တွေကို မပြုလုပ်ကြရန် ထုတ်ပြန်ချက်မှာ ဖော်ပြထားပါတယ်။

သတင်း- ခူမီး

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်