ပလက်ဝမြို့နယ် တိုက်ပွဲမှာ စစ်ကောင်စီက ဓာတုဓာတ်ငွေ့ဗုံး အသုံးပြုပြီ တိုက်ခိုခဲ့ဟု AA ထုတ်ပြန်

၄၊ ဒီဇင်ဘာ၊ ၂၀၂၃

Zalen

ချင်းပြည်နယ်၊ ပလက်ဝမြို့နယ် တိုက်ပွဲတွင်း စစ်ကောင်စီက Chemical warfare agents ဓာတုဓာတ်ငွေပါတဲ့ ဗုံးတွေကို အသုံးပြုပြီး ​ဂျက်လေယာဥ်ဖြင့် တိုက်ခိုက်ခဲ့တယ်လို့ ရက္ခိုင့်တပ်တော်(AA)က ဒီဇင်ဘာ ၃ ရက်နေ့က သတင်းထုတ်ပြန်ထားပါတယ်။

ပလက်ဝမြို့နယ်အတွင်းရှိ စစ်ကောင်စီရဲ့ အခိုင်အမာ တပ်စွဲထားတဲ့ “တရွန်အိုင်ဗျူဟာ”နဲ့ “နှုံးဘူးဗျူဟာ” စခန်းကုန်းကို ရက္ခိုင့်တပ်တော်(AA)နဲ့ Maraland Defence Force(MDF)တို့က ပြီးခဲ့တဲ့ နိုဝင်ဘာလ ၁၄ ရက်နေ့မှာ တပြိုင်နက် ထိုးစစ်ဆင်တိုက်ခဲ့ပြီး ဒီဇင်ဘာ ၃ ရက်နေ့မှာတော့ စစ်ကောင်စီက ဓာတုဓာတ်ငွေပါတဲ့ ဗုံးတွေနဲ့ တန်ပြန်တိုက်ခိုက်ခဲ့တယ်လို့ ဆိုပါတယ်။

အဲ့ဒီ ဗျူဟာကုန်းကြီးနှစ်ခုအား ထိုးစစ်ဆင်တိုက်ခိုက်မူဟာ ရက်ပေါင်း ၂၀ ပြည့်မြောက်ခဲ့ပြီဖြစ်ပြီး ထိုးစစ်အရှိန်ဟာလည်း တဖြည်းဖြည်းမြင့်တက်လျက်ရှိကာ စစ်ကောင်စီရဲ့ အပြင်းအထန် ခုခံစစ်မှာလည်း အမြင့်ဆုံးအချိန်သို့ ရောက်ရှိတယ်လို့ ဆိုပါတယ်။

ဒါ့အပြင် ဒီဇင်ဘာ ၃ရက်နေ့၊ တစ်ရက်တည်းမှာဘဲ စစ်ကောင်စီရဲ့ ဂျက်တိုက်လေယာဉ်၊ Mi35 ၊ Y 8 ၊ Y 12 တို့ဖြင့် လေကြောင်းပစ်ကူ အကြိမ်အရေအတွက် ၃၀ ကျော်အထိ ရှိခဲ့တယ်လို့ ဆိုပါတယ်။

ရက္ခိုင့်တပ်တော်(AA)ရဲ့ ထိုးစစ်မှာ အမြင့်ဆုံးအဆင့်ဖြစ်သလို့ စစ်ကောင်စီဘက်ကလည်း လေကြောင်းပစ်ကူ အများဆုံးနေ့ဖြစ်ပြီး ရက္ခိုင့်တပ်တော်အနေဖြင့် အဲ့ဒီ ဗျူဟာကုန်း (၂) ခုစလုံးအား အပြီးသတ် သိမ်းပိုက်နိုင်ရေးအတွက် ထိုးစစ်ကို ဆက်လက်အရှိန်မြှင့်တင်သွားမယ့်လို့ ဆိုပါတယ်။

သတင်း- ခူမီး

နောက်ဆုံးရသတင်းများ

ကလေးမြို့နယ်မှာ တစ်ရက်အတွင်း အရပ်သား လေးဦး ပစ်သတ်ခံရ၊ တစ်ပတ်အတွင်း သေဆုံးသူ ၁၄ ဦးအထိ ရှိလာ

၂၈၊ ဖေဖော်ဝါရီ၊ ၂၀၂၄ စစ်ကိုင်းတိုင်း၊ ကလေးမြို့နယ်မှာ ဖေဖော်ဝါရီ ၂၇ ရက်နေ့ တစ်ရက်တည်းမှာပဲ စစ်ကောင်စီတပ်က ပစ်ခတ်သတ် ဖြတ်လို့ အရပ်သား လေးဦး သေဆုံးခဲ့ပြီး ဖေဖော်ဝါရီ ၂၁ရက်နေ့ကနေ ၂၇ ရက်နေ့အထိ တစ်ပတ် ...

ဆက်ဖတ်ရန်