စက်တင်ဘာလ ၉ရက်၊၂၀၂၄။
Zalen
ချင်းပြည်နယ်၊ ပလက်ဝမြို့နယ်၊ လေးမြိုမြစ်ရေမှာ စက်လှေ အချင်းချင်း မတော်တဆ တိုက်ခိုက်မှုဖြစ်လို့ ကလေးတစ်ဦး ရေနစ်သေဆုံးခဲ့တယ်လို့ ဒေသခံတွေဆီက သိရပါတယ်။
စက်တင်ဘာ ၆ရက်နေ့က မိသားစုတွေနဲ့အတူ ဆွေမျိုးတွေရှိတဲ့ ကိုဖေကြီးကျေးရွာကို ဟွန်ဒါစက်လှေဖြင့် သွားရောက်စဥ် ရှေ့ကနေ မောင်းနင်းလာတဲ့ စစ်လှေတစ်စီးက မတော်တဆ တိုက်မိသွားတာလို့ သိရပါတယ်။
“ဝင်တိုက်တဲ့ စက်လှေက ကြီးတော့ ဟွန်ဒါစက်လှေက မှောက်ကုန်တာ။ လူကြီးတွေက ဘာမှမဖြစ်ဘူး။ ကလေးကတော့ ရေမကူးတတ်တော့ ကယ်ဖို့အချိန်မရလိုက်ဘူး။ ရေနစ်ပြီး ဆုံးသွားတယ်။ အလောင်းတော့ပြန်ရတယ်။”လို့ ဒေသခံတစ်ဦးက ဆိုပါတယ်။
ရေနစ်သေဆုံးတဲ့ ကလေးငယ်ဟာ ကျေးတောကျေးရွာက အသက် (၈) နှစ်ဝန်းကျင် ဆလိုင်းမားလုံ သိရပါတယ်။
အဲ့ဒီ ယာဉ်တိုက်မှုကျူးလွန်တဲ့သူဟာ ပလက်ဝမြို့နယ်၊ အောက်ချိုင်းစကျေးရွာက ဖြစ်ပြီး လက်ရှိသူကို CDF(Daai) ဖမ်းဆီးထိန်းချုပ်ထားတယ်လို့ သိရပါတယ်။
ပြစ်မူကျူးလွန်သူကို ဘယ်လိုမျိုးအရေးယူ ဆောင်ရွက်သွားမလဲဆိုတာ သိရဖို့ CDF(Daai)ကို ဆက်သွယ်ပေမဲ့ ဆက်သွယ်လို့ မရသေးပါ။
သတင်း – ခူမီး
