ကလေးမြို့၊ တပ်ဦးသီတာရပ်ကွက်၊ ဗိုလ်ချုပ်လမ်း တံတားဦးတွင် တော်လှန်သင်္ကြန်သပိတ်ဆင်နွဲစဉ် ဖမ်းဆီးခံရ ၄ ဦးရဲ့ နေအိမ်ကို စစ်ကောင်စီက ချိတ်ပိတ်ခဲ့တယ်လို့သတင်းရရှိပါတယ်။
၎င်းတို့ဟာ ယမန်နေ့ ဧပြီ ၁၆ ရက်နေ့လည်တွင် လျှပ်တပြတ်သပိတ် ပြုလုပ်နေစဉ် သတင်းပေးဒလန်ကြောင့် စစ်ကောင်စီတပ်မှ သေနတ်ပစ်ဖောက်ကာ ကားဖြင့်လိုက်လာပြီး ၄ ဦးဖမ်းဆီးခံရ တာပါ။
ဖမ်းဆီးခံရတဲ့ သပိတ်အဖွဲ့ဝင်တွေကတော့ ကိုသန်းစိုးဦး၊ မကျင်ဒိတ်ကင်၊ မနှင်းစံ၊ ကိုမျိုးကိုဝင်းတို့ဖြင့်ပါတယ်။ ၎င်းတို့ဟာ ကလေးမြို့ တောင်ဖီလာရပ်ကွက်၊ အောင်သစ္စာရပ်ကွက်၊ အောင်မင်္ဂရပ်ကွက်ထဲက ၎င်းတို့နေအိမ်ကို ချိတ်ပိတ်ခဲ့တာဖြစ်တယ်။
သပိတ်နဲ့ဆက်စပ်သူများရဲ့ နေအိမ်များကိုလည်း ချိတ်ပိတ်ခံရတယ်လို့သတင်းကြားပေမယ့် အတည်ပြုလို့မရသေးပါ။
