ဖလမ်းမြို့ရဲ့ ပထမဆုံးကိုဗစ်-၁၉ လူနာတစ်ဦး ဆေးရုံကဆင်းပြီ

ဖလမ်းမြို့တွင် ကိုဗစ်-၁၉ ရောဂါပိုး ပထမဆုံးတွေ့ရှိတဲ့ ရွေးကောက်ပွဲ အထူးရဲသင်တန်းသားတစ်ဦးဟာ ဒီမနက် (၁၀)နာရီက ဆေးရုံကဆင်းခွင့်ပြုလိုက်ပြီလို့သတင်းရရှိပါတယ်။

အထူးရဲသင်တန်းသားဟာ ပြည်သူ့ဆေးရုံတွင် (၁၁)ရက်ကြာ ဆေးကုသမှုခံယူပြီးနောက် ကိုဗစ်-၁၉ ရောဂါလက္ခဏာမရှိတဲ့တွက် ကျန်းမာရေးနှင့်အားကစား ဝန်ကြီးဌာန၏ ခွင့်ပြုချက်ဖြင့် ဆေးရုံမှ ဆင်းခွင့်ပြုခြင်းဖြစ်ပါတယ်။

ဒါပေမယ့် ၎င်းနေအိမ်တွင် (၇)ရက်ကြာ Home Quarantine ဖြင့်ဆက်လက်နေထိုင်မှာဖြစ်တယ်။

ရွေးကောက်ပွဲ လုံခြုံရေးအထူးရဲသင်တန်းသားဟာ ဖလမ်းမြို့နယ်၊ လှောင်မွာလ်ကျေးရွာနေ အသက်(၁၈)နှစ် အမျိုးသားဖြစ်ပြီး ၎င်းနဲ့ဆက်စပ်တဲ့သူတွေလည်း ကိုဗစ်-၁၉ ရောဂါပိုးရှိ၊ မရှိစစ်ဆေးရာ အားလုံး Negative ဖြစ်ပါတယ်။

၎င်းဟာ ဖလမ်းမြို့၊ အမှတ်(၂)အခြေခံပညာအထက်တန်းကျောင်းတွင် အထူးရဲသင်တန်းတက်ရောက်နေစဉ် အထူးရဲသင်တန်းသားများအား ကျန်းမာရေးဝန်ထမ်းများက အောက်တိုဘာ ၉ ရက်နေ့တွင် ကိုဗစ်-၁၉ ရောဂါပိုး ရှိ မရှိကို Antigen Test Kit ဖြင့် စစ်ဆေးရာတွင် ပိုးတွေ့ရှိခြင်းဖြစ်တယ်။ လက်ရှိ ဖလမ်းမြို့တွင် ကိုဗစ်-၁၉ လူနာ (၃)ဦးကျန်ပါတယ်။

နောက်ဆုံးရသတင်းများ

သိုင်းငင်းရွာက ဗိုလ်ရုံအပါအဝင်နေအိမ်တွေကို စစ်ကောင်စီတပ်က မီးရှို့

၂၂၊ ဇွန်၊ ၂၀၂၄ Zalen ချင်းပြည်နယ်၊ တီးတိန်မြို့နယ် သိုင်းငင်းကျေးရွာက နေအိမ်တွေကို ဇွန် ၂၁ရက်နေ့ကစပြီး စစ်ကောင်စီတပ်က မီးရှို့နေတယ်လို့ ဒေသခံတွေက ပြောပါတယ်။ သိုင်းငင်းကျေးရွာမှာ စစ်ကောင်စီတပ်နဲ့ ချင်းတော်လှန် ရေးအဖွဲ့တို့ အကြား ယနေ့ဇွန် ...

ဆက်ဖတ်ရန်