၁၀ ၊ ဇွန် ၊ ၂၀၂၄
Zalen
မင်းတပ်မြို့နယ်၊မောနယ်အမှတ် ၁နဲ့၂စပ်ကြား မိုင်လေးဆယ်ရွာ နဲ့ ချပ်ရွာကြားတွင် ဒီနေ့ညနေ ၃ နာရီ ၄၀ မိနစ်ဝန်းကျင် အချိန် တံတားဉီးလေတပ်မှ တက်လာ သောဂျက်ဖိုက်တာ နှစ်စီးဖြင့် လေကြောင်းတိုက်ခိုက်မှုနှစ်ကြိမ် ပြုလုပ်ခဲ့တယ်လို့သိရပါတယ်။
စစ်ကောင်စီရဲ့လေကြောင်းတိုက်ခိုက်မှုဟာ မိုင်လေးဆယ်ရွာ နားကတောင်ခြေမှာ ကျရောက်ပေါက်ကွဲခဲ့တယ်လို့သိရပြီး ဘာကြောင့်အဲဒီနေရာတွေကို ဗုံကြဲတိုက်ခိုက်မှုပြုလုပ်ခဲ့လဲမသိရသလို ထိခိုက်မှုတွေ ရှိ၊ မရှိ ကိုလည်းအသေးစိတ် မသိရသေးပါ။
အဆိုပါလေကြောင်းတိုက်ခိုက်မှုနဲ့ပတ်သက်လို့ ဒေသခံတစ်ဉီးက”ပထမအကြိမ်ကြဲတာတော့အသံပဲ ကြားလိုက်တယ်၊မမြင်လိုက်ဘူး၊ဒုတိယအကြိမ်ကြဲတာတော့မြင်လိုက်တယ် ၊ တောင်ခြေကိုကြဲတာ၊တောနက်ကြီးတွေပဲ၊ဘာကြောင့်ပစ်တာလဲဆိုတာမသိပါဘူး၊ တော်လှန်ရေးအဖွဲ့ရှိမယ်ထင်တာလား၊တောင်သူတွေကိုကြဲတာလားမသိပါဘူး”လို့ Zalen ကိုပြောပါတယ်။
မင်းတပ်မြို့နယ်အတွင်း ဇွန်လ ၁ရက်နေ့မှ ၁၀ရက်နေ့အထိ စစ်ကောင်စီ၏လေကြောင်းတိုက်ခိုက်မှု ၃ ကြိမ်ရှိခဲ့ပြီးလေကြောင်းတိုက်ခိုက်မှုကြောင့် အရပ်သားပြည်သူ တစ်ဉီးသေဆုံးပြီး၊တစ်ဉီးဒဏ်ရာရကာ နေအိမ် ရှစ်လုံး ပျက်စီး ဆုံးရှုံးခဲ့ရတယ်လို့သိရပါတယ်။
မိုးပီအောင်
