မင်းတုန်းမြို့နယ်က ငကုန်း(ချင်း)ရွာကို စစ်ကောင်စီက လေကြောင်း တိုက်ခိုက်လို့ ရွာလုံးကျွတ် ထွက်ပြေး

၁၆၊ မလေ၊ ၂၀၂၄

Zalen

မကွေးတိုင်း၊ မင်းတုန်းမြို့နယ်၊ ငကုန်း(ချင်း)ရွာကို စစ်ကောင်စီက လေကြောင်း ဗုံးကြဲတိုက်ခိုက်သွားတယ်လို့ အရှိုချင်းကာကွယ်ရေးတပ် (ACDF) ဆီက သိရပါတယ်။

မင်းတုန်းမြို့နယ်၊ ငကုန်း(ချင်း)ကျေးရွာကို မနေ့ မေလ ၁၅ ရက်နေ့ မနက် ၇ နာရီကစလို့ စစ်ကောင်စီက လေကြောင်းကနေ ဗုံးသီး (၁၀) လုံးနဲ့ ဗုံးကြဲ တိုက်ခိုက်သွားပြီး ကျေးရွာနေပြည်သူတွေဟာ ဘေးလွတ်ရာကို ထွက်ပြေးတိမ်းရှောင်နေရတယ်လို့ သိရပါတယ်။

“မနေ့အစောပိုင်းက လေကြောင်း တိုက်ခိုက်သွားတယ်လို့ သတင်းပို့လာပါတယ်။ ရွာသားတွေက ထိခိုက်မှုတော့ မရှိဘူး။ ရွာအနီးပတ်ဝန်းကျင်မှာ ဗုံးကြဲသွားတာပါ။ အခု ရွာသားတွေက ထွက်ပြေးနေကြပါတယ်။ အရင်ကလည်း စစ်ကြောင်း ထိုးလာရင် အဲ့ရွာက ထွက်ပြေးနေကြပါ။”လို့ အရှိုချင်းကာကွယ်ရေးတပ်(ACDF)တာဝန်ခံက ​ပြောပါတယ်။

လေကြောင်း တိုက်ခိုက်ခံရတဲ့ ငကုန်း(ချင်း)ကျေးရွာနေ ပြည်သူတွေဟာ ဘေးလွတ်ရာ ချင်းရွာတွေမှာ ရွာလုံးကျွတ် ထွက်ပြေး တိမ်းရှောင်နေကြတယ်လို့ သိရပါတယ်။

ပြီးခဲ့တဲ့ ရက်ပိုင်းက ငကုန်း(ချင်း)ကျေးရွာဘက်သို့ စစ်ကြောင်း ထိုးလာတဲ့ စစ်ကောင်စီတပ်နဲ့ ဒေသခံ ကာကွယ်ရေးတပ်တို့ တိုက်ပွဲဖြစ်ပွားပြီး တိုက်ပွဲအပြီးမှာ စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့တာလို့ ဆိုပါတယ်။

ငကုန်း(ချင်း)ကျေးရွာဟာ အိမ်ခြေ (၇၀) နီးပါးရှိပြီး ချင်းလူမျိုးတွေနေထိုင်တဲ့ ကျေးရွာဖြစ်ပါတယ်။

သတင်း – ခူမီး

နောက်ဆုံးရသတင်းများ

ဘူးသီးတောင်မြို့နယ်မှာ မြိုအမျိုးသားနှစ်ဦး တစ်ပတ်ကျော်ကြာ ပျောက်ဆုံးနေ

၁၇၊ မလေ၊ ၂၀၂၄ Zalen ရခိုင်ပြည်နယ်၊ ဘူးသီးတောင်မြို့နယ်မှာ ရိုဟင်ဂျာအမျိုးသား တစ်ဦးဆီ အပ်နှံထားတဲ့ နွားတွေကို သွားကြည့်တဲ့ မြိုအမျိုးသား နှစ်ဦး တစ်ပတ်ကျော်ထိ အဆက်သွယ်မရဘဲ ပျောက်ဆုံးနေတယ်လို့ ဒေသခံဆီက သိရပါတယ်။ ပြီးခဲ့တဲ့ မေလ ...

ဆက်ဖတ်ရန်