မတူပီမြို့နယ်တွင် ငှက်ဖျားရောဂါဖြစ်ပွားမှု ဆက်လက်မြင့်တက်နေ

ချင်းပြည်နယ်၊ မတူပီမြို့နယ်တွင် ခါတိုင်းနှစ်ထက် အာဏာသိမ်းပြီးနောက် ကျန်းမာရေးစောင့်ရှောက်မှု ပုံမှန် မရရှိတာကြောင့် ငှက်ဖျားရောဂါဖြစ်ပွားမှုကလည်း ပိုမိုဆိုးရွားလာပါတယ်။

ဒီနှစ် မိုးတွင်းမတိုင်ခင်ကလည်း ငှက်ဖျားရောဂါ စတင်ဖြစ်ပွားခဲ့ပြီး ယနေ့အထိလည်း ငှက်ဖျားရောဂါဖြစ်ပွားမှုဟာ ဆိုးရွားနေသေးကြောင်း ဒေသခံများက ပြောပါတယ်။

မတူပီမြို့ပေါ်တွင် ဆေးဝါးလုံလောက်မှု မရှိသလို ကျေးရွာများမှာလည်း ဆေးဝါးများ ပြတ်တောက်သွားသောကြောင့် အသွားအလာ တင်းကြပ်မှုများအကြား ဒေသခံများဟာ လုံလောက်သော ဆေးဝါးနှင့် အခြား ရိက္ခာများကို မြို့ပေါ်ကနေ ကျေးရွားများသို့ မသယ်ဆောင်နိုင်သောကြောင့် ငှက်ဖျားရောဂါကုသမှုကို ထိရောက်အောင် မလုပ်ဆောင်နိုင်ပါ။

စစ်တပ်ဟာ မတူပီမြို့ပေါ်ကနေ ကျေးရွားများသို့ ဆေးဝါးများသယ်ဆောင်ခွင့်ကို ပိတ်ပင်ထားပြီး အကယ်၍ သယ်ဆောင်နိုင်မည်ဆိုပါကလည်း မတူမြို့ပေါ်တွင် ဆေးဝါးများ လုံးလောက်စွာ မရှိကြောင်း ဆိုပါတယ်။

“ရွာဘက်မှာ ငှက်ဖျားဖျားရောဂါကြောင့် အပြင်းအထန်ဖျားနာသူများကို မြို့ပေါ် ခေါ်လာကြတယ်၊ ဒါပေမယ့် ဒီမှာလည်း ဆေးဝါက မလုံလောက်ဘူး။ စစ်ကောင်စီက ပြည်သူများကို ဖြန့်ဝေဖို့ ယူဆောင်လာသော ဆေးစိမ်ခြင်ထောင်ကိုလည်း လူတွေက ထုတ်လို့မရဘူးဖြစ်နေတယ်။ ဆိုတော့ ကာကွယ်မှုကလည်းနည်းနေသလို ကုသမှုကလည်း အားနည်းနေတယ်” ဟု မတူပီမြို့ခံတစ်ဦးက ပြောပါတယ်။

မတူပီမြို့နယ်တွင် ငှက်ဖျားရောဂါကြောင့် ဒီရက်ပိုင်းအတွင်း ရွာကနေ မြို့ပေါ်ကို လူနာပို့ဆောင်မှု ပိုများလာတယ်လို့ သိရပြီး ဒီနှစ်တွင် ငှက်ဖျားရောဂါကြောင့် သေဆုံးသွားသောသူတစ်ဦးရှိပြီဖြစ်ကြောင်း သိရပါတယ်။

နောက်ဆုံးရသတင်းများ

မီဇိုရမ်က စစ်ဘေးရှောင်ကလေးများကို စာသင်ပေးတဲ့ CDM ကျောင်းဆရာတစ်ဦး ဟားခါးမှာဖမ်းဆီးခံရ

၁၆၊ ဖေဖော်ဝါရီလ ၊၂၀၂၄ Zalen ချင်းပြည်နယ်ကနေ မီဇိုရမ်ဘက်ကို စစ်ဘေးရှောင်ကြတဲ့ ကလေးသူငယ်များကို စာသင်ကြားပေးတဲ့ ချင်းပြည် နယ် မတူပီဒေသခံ CDM ကျောင်းဆရာတစ်ဦးကို ဖေဖော်ဝါရီ ၁၂ရက်နေ့ ဟားခါးမြို့မှာ စစ်ကောင်စီ ရဲ့မတရား ဖမ်းဆီး ...

ဆက်ဖတ်ရန်