မီဇိုကျောင်းသားများအဖွဲ့အစည်း (MZP)မှ ချင်းစစ်ဘေးရှောင်များထံ လည်ပတ်ပြီး အားပေးစကားပြောကြား

၁၃၊ဒီဇင်ဘာ ၊၂၀၂၃

Zalen

မီဇိုရမ်ပြည်နယ်၊ ဇိုခွါသာရ်ကျေးရွာနဲ့ အနီးတစ်ဝိုက်ရှိ ချင်းစစ်ဘေးရှောင်များထံ မီဇိုကျောင်းသားများ အဖွဲ့အစည်း (Mizo Zirlai Pawl – MZP) မှ မနေ့ ဒီဇင်ဘာလ ၁၂ ရက်နေ့တွင်သွားရောက်လည်ပတ်ခဲ့တယ်လို့ သိရပါတယ်။

ချင်းစစ်ဘေးရှောင်များရဲ့ အခက်အခဲပေါင်းစုံနဲ့ တစ်ကယ့်မြေပြင်အခြေအနေကို သွားရောက်လေ့လာရင်းနဲ့ အားပေးစကားများပြောကြားခဲ့တယ်လို့သိရပါတယ်။

ချင်းစစ်ဘေးရှောင်များအနေဖြင့် စိတ်ဓာတ်ပိုင်းဆိုင်ရာမှာ ဘာမှစိုးရိမ်မနေဘဲ နေထိုင်ကြ ဖို့ ၊ ချင်းမျိုးနွယ်စု များဟာ နေရာတိုင်းမှာ ရှိတာဖြစ်တဲ့အတွက် ညီအကိုများရဲ့အခက်အခဲဟာ ကျွန်တော်တို့ရဲ့အခက်အခဲလိုဖြစ် တဲ့အတွက်ကြောင့် ကျွန်တော်တို့အနေနဲ့ ကူညီဖို့တက်နိုင်သလောက်ကြိုးစားသွားမယ် လို့ Mizo Zirlai Pawl – MZP မှ ဥက္ကဌ H.Lalthianghlima ကပြောကြားခဲ့ပါတယ်။

အခုအသစ်ဖွဲ့စည်းထားတဲ့ မီဇိုရမ်ပြည်နယ်အစိုးရအနေဖြင့်လည်း “ချင်းစစ်ဘေးရှောင်များအတွက် လိုအပ် တာ တွေကို အတတ်နိုင်ဆုံးကူညီဖို့နဲ့ ချင်းစစ်ဘေးရှောင်များထံကိုအမြန်ဆုံးသွားရောက် လည်ပတ်ဖို့” တောင်းဆို သွား ခဲ့ပါ တယ်။

မီဇိုရမ်ပြည်နယ်တွင် မြန်မာနိုင်ငံမှစစ်ဘေးရှောင် ဦးရေ ၃၀၀၀၀ ကျော်ရှိတယ်လို့သိရှိရပါတယ်။၎င်းတို့ထဲမှ ဇိုခွါသာရ် နဲ့အနီးတစ်ဝိုက်တွင် စစ်ဘေးရှောင် အိမ်ထောင်စု ၁၀၀၀ ကျော်ရှိပြီး လူဦးရေအားဖြင့် ၃၀၀၀ ကျော်ရှိ တယ်လို့သိရပါတယ်။

သတင်း -Grace

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်