၂၆၊ မေလ၊ ၂၀၂၄
Zalen
မီဇိုရမ်ပြည်နယ်၊ ကျန်ဖိုင်ခရိုင် ဇိုခေါသာရ်မှာ မြန်မာနိုင်ငံသားတစ်ဦးထံကနေ ရူပီးသိန်း ၃၀ ကျော်တန်ဖိုးရှိတဲ့ ဘိန်းဖြူများကို မေလ ၂၄ ရက်မှာဖမ်းဆီးခဲ့တယ်လို့သိရပါတယ်။
အာသံရိုင်ဖယ်နဲ့ မီဇိုရမ်ရဲ ပူးပေါင်းတပ်ဖွဲ့က မြန်မာနိုင်ငံသားတစ်ဦးထံကနေ ၄၆ ဂရမ် အလေးချိန်ရှိ ကာလပေါက်စျေး ရူပီး ၃၂.၂၀ သိန်း တန်ဖိုးရှိတဲ့ ဘိန်းဖြူများကို ဖမ်းဆီးခဲ့တာဖြစ်တယ်။ ဘိန်းဖြူများနဲ့ အတူ ဖမ်းဆီးထားတဲ့ သူကို လိုအပ်သလိုအရေးယူမှုဆောင်ရွက်နိုင်ဖို့ ဇိုခေါသာရ် ရဲစခန်းမှာ ထိန်းသိမ်းထားတယ်လို့ သိရပါတယ်။
အလားတူ မီဖိုရမ် ဗဟိုမီဇိုးလူငယ်အဖွဲ့အစည်း(CYMA) က တစ်ပတ်အတွင်း မူးယစ်ဆေးဝါးနဲ့ ပက်သက်သူ ၄၁ ဦးကို တစ်ပတ်အတွင်းဖမ်းဆီးခဲ့တယ်လို့သိရပါတယ်။
CYMA Kumpuan Committee က ပြီးခဲ့တဲ့ မေလ ၁၈ ရက်ကနေ မေလ ၂၄ ရက်အထိ တစ်ပတ်အတွင်းမှာ မီဇိုရမ်အတွင်း မူးယစ်ဆေးဝါး အမျိုးမျိုးရောင်းဝယ်ဖောက်ကားသူ ၄၁ ဦးကို ဖမ်းဆီးခဲ့တာဖြစ်ပြီး တစ်ချို့ကို မူးယစ်ဆေးဝါးတိုက်ဖျက်ရေးဌာန နဲ့ ရဲစခန်းထံ အပ်နှံခဲ့သလို တစ်ချို့ကိုတော့ လိုအပ်တာတွေပြောပြီး ပြန်လွှတ်ပေးတာလည်းရှိပါတယ်။
မေလ ၁၈ ရက်ကနေ ၂၄ ရက်အတွင်းမှာ CYMA က Heroin ဘိန်းဖြူ၊ ဆေးခြောက်၊ Tictac၊ bagha၊ alprazolam၊ Nep နဲ့ BE-e စတဲ့ မူးယစ်ဆေးဝါးများကို ဖမ်းဆီးခဲ့တာဖြစ်ပါတယ်။
သတင်း – Mickey
