မြဝတီမြို့ ထွေအုပ်ရုံးအား ဒရုန်းဖြင့် ဗုံးကျဲတိုက်ခိုက်တဲ့ Federe Wings ကို သိန်း (၁၀၀) ချီးမြှင့်ဟု NUG ထုတ်ပြန်

အိုက်ခူမီး/ ၂၈၊ စက်တင်ဘာလ၊ ၂၀၂၃

ကရင်ပြည်နယ်၊ မြဝတီမြို့နယ်၊ အထွေထွေအုပ်ချုပ်ရေး ဦးစီးဌာနရုံးကို ဒရုန်းဖြင့် ဗုံးကျဲတိုက်ခိုက်တဲ့ ပြည်သူ့ကာကွယ်ရေးတပ်ဖွဲ့ (PDF) ဒရုန်း လက်ရုံးတပ် (၁၈၀၁)၊ Federal Wings ကို မြန်မာကျပ်ငွေ သိန်း (၁၀၀) ချီးမြှင့်ခဲ့တယ်လို့ အမျိုးသားညီညွတ်ရေးအစိုးရ(NUG)ရဲ့ ကာကွယ်ရေးဝန်ကြီးဌာနက ထုတ်ပြန်ထားပါတယ်။

ပြီးခဲ့တဲ့ စက်တင်ဘာလ (၃) ရက်နေ့၊ ညပိုင်းတွင် မြဝတီမြို့နယ် အထွေထွေအုပ်ချုပ်ရေး ဦးစီးဌာနရုံးတွင် လုံခြုံရေးအစည်းအဝေးပြုလုပ်နေစဥ် ဒရုန်းလက်ရုံးတပ် (၁၈၀၁)၊ Federal Wings က  ဒရုန်းဖြင့် (၂)ကြိမ် ဗုံးကျဲတိုက်ခိုက်ခဲ့ရာ ခရိုင်အုပ်ချုပ်ရေးမှူး ဦးစိုးတင့်၊ ယာဉ်ထိန်းရဲတပ်ဖွဲ့ ဒုရဲမှူး နေလင်းစိုး အပါအဝင် (၅) ဦး ဗုံးထိမှန် သေဆုံးကာ၊ (၅) ဦး ပြင်းထန်ဒဏ်ရာ​ပြီး၊ ပြည်သူ (၆) ဦး မစိုးရိမ်ရ ဒဏ်ရာရရှိခဲ့တယ်လို့ ဆိုပါတယ်။

၎င်းစစ်ဆင်ရေးကို အောင်မြင်အောင် စွမ်းဆောင်နိုင်ခဲ့တဲ့အတွက်  အမျိုးသားညီညွတ်ရေးရေးအစိုးရအနေနဲ့ ပြည်သူ့ကာကွယ်ရေးတပ်မတော်(PDF) ဒရုန်းလက်ရုံးတပ် (၁၈၀၁) _ Federal Wings ကို ဆုငွေအဖြစ် မြန်မာကျပ်ငွေ သိန်း (၁၀၀) ချီးမြှင်ခဲ့တယ်လို့ သိရပါတယ်။

ဆုချီးမြှင့်ပွဲအခမ်းအနားသို့ ကာကွယ်ရေးဝန်ကြီးဌာန၊ ပြည်ထောင်စု ဒုတိယဝန်ကြီး နိုင်ကောင်းရွတ်၊ တောင်ပိုင်းစစ်ဒေသ၊ ဒုစစ်ဒေသမှူး (၂) ရဲဘော်စောရှားနှင့် ဒရုန်းလက်ရုံးတပ် (၁၈၀၁) _ Federal Wings တာဝန်ရှိသူတို့ တက်ရောက်ခဲ့တယ်လို့ သိရပါတယ်။

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်