ရွာထဲတိုက်ပွဲမဖော်ဖို့သဘောထားထုတ်ပြန်တဲ့ ပြည်တော်သာရွာထဲမှာ စစ်ကောင်စီတပ်တွေဝင်ရောက်တပ်စွဲ

ကလေးမြို့နယ်၊ အနောက်မြောက်ဘက် ပြည်တော်သာကျေးရွာ နှစ်ခြင်းဘုရားကျောင်းထဲမှာ စစ်ကောင်စီတပ်သား ၁၅၀ လောက် ယနေ့ဇူလိုင် ၂၈ ရက်ညနေ ၄ နာရီခွဲတွင် ဝင်ရောက်တပ်စွဲကြတယ်လို့သတင်းရရှိပါတယ်။

စစ်ကောင်စီတပ်တွေဟာ ဘုရားကျောင်းမှာ ယနေ့ည အိပ်ကြတယ်လို့လည်းသိရတယ်။ ဘုရားကျောင်းအနီးနားကပြည်သူတွေဟာ ဆွေမျိုးအိမ်မှာပြောင်းရွှေ့ကြပြီး ရွာသားတွေကတော့ ရွာထဲကနေ ထွက်မပြေးကြဘူးလို့လည်းသိရတယ်။

ဒေသခံတစ်ဦးက “ထမင်းချက်တဲ့အိုးနဲ့ ငရုတ်စုံတွေလည်းပါလာတာတွေ့ရတယ်။ အချိန်ကြာကြာနေမယ့် သဘောတော့ပေါ်တယ်” လို့ပြောပါတယ်။

ဒီနှစ် ဧပြီလ ၁၃ ရက်က စစ်ကောင်စီတပ်နဲ့ PDF-Kalay တပ်ဖွဲ့တွေဟာ ပြည်တော်သာကျေးရွာနဲ့အနီးတဝိုက်တွင်တိုက်ပွဲဖြစ်ပွားပြီး ပြည်တော်သာရွာသူ တစ်ဦးသေဆုံးကာ၊ PDF-Kalay တပ်ရင်း-၃ က ရဲဘော် ၄ ဦးကျဆုံးပြီး ၆ ဦးဒဏ်ရာရရှိခဲ့ပါတယ်။

တိုက်ပွဲဖြစ်ပွားပြီးနောက် ဧပြီ ၁၅ ရက်တွင် ပြည်တော်သာကျေးရွာ အသင်းတော်များအမှုတော်ဆောင်မိတ်သဟာယအဖွဲ့က နောင်အခါ ၎င်းတို့ရွာထဲ တိုက်ပွဲမဖော်ဆောင်ဖို့သဘောထားထုတ်ပြန်ချက်စာတစ်စောင်ထုတ်ပြန်ခဲ့ပါတယ်။

ထုတ်ပြန်ချက်ထဲတွင် ဆုံးဖြတ်ချက် ၉ ချက်ထဲမှာ အဓိကအချက်ကတော့ ပြည်တော်သာကျေးရွာ မိန်းလမ်းမပေါ်မှာ ဘယ်သူပဲဖြစ်ဖြစ် လမ်းပိတ်တားဆီးတာမလုပ်ဖို့၊ နောင်အခါ ပြည်တော်သာရွာကို စစ်မြေပြင်အဖြစ် အသုံးပြုပြီး တိုက်ခိုက်ခြင်း၊ စစ်ရေးအရနေရာယူခြင်းမလုပ်ကြဖို့ လေးစားစွာတောင်းဆိုအပ်ပါတယ်လို့ဖော်ပြထားပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်