လိုင်လင်းပီမြို့က ပါဆင်းကျေးရွာ အုပ်ချုပ်ရေးမှူးနဲ့ အရပ်သား ၁ ဦး ဖမ်းဆီးခံရ

၁၁၊ မတ်လ၊ ၂၀၂၄

Zalen

ချင်းပြည်နယ်၊ မတူပီခရိုင်၊ လိုင်လင်းပီမြို့က ပါဆင်းကျေးရွာ အုပ်ချုပ်ရေးမှူးနဲ့ အရပ်သား တစ်ဦးကို မရာလဲန်းကာကွယ်ရေးတပ်-MDF က ဖမ်းဆီးခေါ်ဆောင်သွားတယ်လို့ ဒေသခံတွေထံက သိရှိရပါတယ်။

လိုင်လင်းပီမြို့က ပါဆင်းကျေးရွာ အုပ်ချုပ်ရေးမှူးနဲ့ အရပ်သား ၁ ဦးကို မတ်လ ၉ ရက်၊ ညနေပိုင်းက MDF တပ်ဖွဲ့တွေဟာ ၎င်းတို့ရဲ့ နေအိမ်မှဖမ်းဆီးခေါ်ဆောင်သွားတာ ဖြစ်တယ်လို့ ဆိုပါတယ်။

“MDF ရဲဘော်တွေက ရွာထဲကို ဝင်ပြီးတော့ ဒီအတိုင်းဖမ်းခေါ်သွားတာပါ။ ဘာကြောင့် ဖမ်းသွားတာလဲဆိုတာ ပြောမသွားဘူး။ အခုထိ ပြန်မလွတ်ပေးသေးဘူး။”လို့ အမည်မဖော်လိုတဲ့ ပါဆင်းရွာသား တစ်ဦးက ပြောပါတယ်။

ဖမ်းဆီးခံရတဲ့သူတွေဟာ ပါဆင်းကျေးရွာ အုပ်ချုပ်ရေးမှူး ဦးကျော်အောင်နဲ့ ဦးရာခယ်လို့သိရပြီး ၎င်းတို့ဟာ ယနေ့ထိ ပြန်လွတ်ပေးခဲ့ခြင်း မရှိသလို အဆက်သွယ်လည်း မရရှိသေးဘူးလို့ သိရပါတယ်။

အဲ့ဒီ ဖမ်းဆီးခံရတဲ့ ကိစ္စနဲ့ ပတ်သက်ပြီး စစ်ဆေးမေးမြန်းစရာရှိပြီး ခဏခေါ်စစ်ဆေးတာဖြစ်ပြီး မကြာခင် ပြန်လွတ်ပေးမယ်လို့ MDF ပြန်ကြားရေးအဖွဲ့က တာဝန်ရှိသူ တစ်ဦးက ပြောပါတယ်။

“ကျွန်တော်တို့အဖွဲ့က မြေပြင်နဲ့ အဆက်သွယ်မရသေးဘူး။ ဒါပေမယ့် ရွာသားတစ်ယောက်က ကျွန်တော်ဆီ ခေါ်သွားတယ်ဆိုတဲ့ စာတော့ ရောက်လာပါတယ်။ ကျွန်တော်တို့က ဖမ်းတာ မဟုတ်ဘူး။ စစ်ဆေးစရာရှိလို့ ရဲဘော်တွေက ခဏခေါ်သွားတာပါ။ ဒါကို လူတွေက ဖမ်းသွားတယ်ဆိုပြီး စွပ်စွဲတယ်။ စစ်ဆေးပြီးရင်တော့ ပြန်လွတ်ပေးမှာပါ။”လို့ ဆိုပါတယ်။

မရာနယ်မြေမှာ ဘာသာရေးခေါင်ဆောင်များရဲ့ စေ့စပ်ညှိနှိုင်းဆောင်ရွက်ပေးမူကြောင့် လက်နက်ကိုင် အချင်းချင်း ပဋိပက္ခတွေ ပြေလည်သွားပြီလို့လည်း သိရပါတယ်။

သတင်း – ခူမီး

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်