ရေးနဲ့ သံဖြူဇရပ်နယ်စပ်ရှိ ကျားဖြူ တပ်ခွဲ စခန်းတစ်ခုကို အာဏာသိမ်းစစ်တပ်က တိုက်လေယာဉ်နဲ့ အတိအကျ ဗုံးကြဲမှုကြောင့် PDF ရဲဘော် ၃ ယောက် ကျဆုံးပြီး ၄ ယောက်ဒဏ်ရာ ရရှိခဲ့ပါတယ်။
မွန်ပြည်နယ်၊ ရေးမြို့နယ်နဲ့ သံဖြူဇရပ်မြို့နယ်အစပ်ရှိ ကျားဖြူတပ်ခွဲစခန်းတစ်ခုကို စစ်တပ်ကတိုက်လေယာဉ်နဲ့ မေလ ၇ ရက်၊ ည ၁၁ ဝန်းကျင်က ဗုံးကြဲချခဲ့တာလို့ဆိုပါတယ်။
ပေါင် ၅၀၀ အလေးချိန်ရှိ ဗုံးကြီး ၂ လုံးကိုကျားဖြူစစ်ကြောင်း ၂ စစ်ကြောင်းရုံး၊ တပ်ခွဲ ၁၊ တပ်ခွဲ ၆ နောက်တန်းစခန်း နေရာအတိအကျပစ်ချခဲ့တဲ့အပြင် မေလ ၈ ရက်၊မွန်းတည့် ၁၂ နာရီခန့်ကလည်း Mi 35 ရဟတ်ယာဉ်နဲ့ ပစ်ခတ်ခဲ့တာလို့ ဆိုပါတယ်။
အဆိုပါတိုက်ခိုက်မှုကြောင့် ရဲဘော် ဇွဲမာန်လင်း (ခ) စနေ၊ ရဲဘော်ထွန်း လင်းအောင် (ခ) မြကြီး နဲ့ ရဲမေ မခင်သန္တာဆွေ (ခ) မမြင့် တို့ ကျဆုံးခဲ့ရပြီး ကျန်ရဲဘော် ၄ ဦးမစိုးရိမ်ရ ဒဏ်ရာရရှိခဲ့တယ်လို့ ကျားဖြူစစ်ကြောင်း ၁ ကလည်း သတင်းထုတ်ပြန်ထားပါတယ်။
