မင်းတပ်မြို့ကို အပေါ်စီးက လှမ်းမြင်နိုင်တဲ့ စံမင်းသီရိဘုရားပေါ်တက်ပြီး စစ်ကောင်စီတပ်သားတွေ ဒီမနက်နေရာ ယူထားကြပါတယ်။
ဒီနေ့ ဇူလိုင် ၂၁ ရက် မနက် ၆ နာရီဝန်းကျင်မှာ ထီးလင်းမြို့နယ်အနီး ရွှေတွင်းတူးကျေးရွာ (Ghui kyum) တဝိုက်မှာ CDF Mindat နဲ့ အကြမ်းဖက်သမားတွေကြား ပစ်ခတ်မှုဖြစ်ပွားပါတယ်။
အကြမ်းဖက်စစ်ကောင်စီတပ်ဟာ ဇူလိုင် ၁၉ ရက်ကစပြီး စစ်ကြောင်း ၂ ကြောင်းနဲ့ စစ်ရေးလှုပ်ရှားမှုတွေပြုလုပ်လာတာကြောင့် အခုလို တိုက်ပွဲဖြစ်ပွားခဲ့ခြင်းဖြစ်တယ်။
ခုချိန်မှာ မင်းတပ်မြို့နယ် စစ်ဘေးရှောင်ဒုက္ခသည်ပြည်သူတွေအတွက် လူသုံးကုန်ပစ္စည်းတွေတင်လာတဲ့ UNHCR ရဲ့ လူသားချင်းစာနာထောက်ထားမှုကားတွေလည်း မင်းတပ်မြို့ထဲမှာရှိနေကြတဲ့အချိန်လည်းဖြစ်ပါတယ်။
ဒါပေမယ့် ယင်းပစ္စည်းတွေကို ရွာဘက်မှာရှိတဲ့ စစ်ဘေးရှောင်တွေထံထောက်ပံ့ဖို့ စစ်ကောင်စီက ခွင့်မပြုဘူးလို့သတင်းရရှိထားပါတယ်။ စစ်ဘေးရှောင်အများစုကလည်း ခုချိန်မှာ တောရွာဘက်မှာပဲရှိနေကြတယ်။
မင်းတပ်မြို့နယ်တွင် ဧပြီနဲ့ မေလကြား ၁ လကျော် အကြမ်းဖက်စစ်ကောင်စီတပ်နဲ့ CDF Mindat ကြားတိုက်ပွဲကြောင်း စကစတပ် ၂၀၀ ကျော်သေဆုံးပြီး ပြည်သူ့တပ်ဘက်က ၂၄ ယောက်ကျဆုံးတယ်လို့ မင်းတပ်ပြည်သူ့အုပ်ချုပ်ရေးအဖွဲ့က ဇူလိုင် ၁၉ ရက်ကထုတ်ပြန်ထားပါတယ်။
