အချုပ်ကျနေသည့် မိန်းကလေးကို အစောင့်ရဲဘော်များက အကြိမ်ကြိမ်အဓမ္မပြကျင့်မှုကို ဆောမြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့က အရေးယူ

ဆောမြို့နယ်၌ ခိုးမှုဖြင့် အချုပ်ကျနေသော ၂၂ နှစ်ခန့်အရွယ် အမျိုးသမီးကို အစောင့်ကျ ပြည်သူ့လုံခြုံရေး(ပလဖ)ရဲဘော် ၈ ဦးက အကြိမ်ကြိမ်အဓမ္မပြုကျင့်မှုဖြစ်စဥ် ဖြစ်ပွားခဲ့ကြောင်း သိရသည်။

မကွေးတိုင်းဒေသကြီး၊ ဂန့်ဂေါ်ခရိုင်၊ ဆောမြို့နယ်သို့ ရန်ကုန်မှတစ်ဆင့် လာရောက်အလုပ်လုပ်ကိုင်သူ ယင်းအမျိုးသမီးသည် ခိုးမှုများအကြိမ်ကြိမ်ကျူးလွန်သဖြင့် ပြီးခဲ့သည့် ၂၀၂၃၊ ဧပြီလပိုင်းက ဆောတိုက်နယ်အချုပ်၌ ​ပြည်သူ့အုပ်ချုပ်ရေးနှင့် လုံခြုံရေးအဖွဲ့တာဝန်ရှိသူများက အရေးယူထိန်းသိမ်းထားသည်ဟု ဆိုသည်။

ထိုသို့ထိန်းသိမ်းခံနေရစဥ် အစောင့်တာဝန်ကျ ပြည်သူ့လုံခြုံရေးအဖွဲ့ (ပလဖ) ရဲဘော် ၈ ဦးက အဓမ္မပြုကျင့်ခဲ့ကြရာ တစ်လအကြာ၌ တာဝန်ရှိသူများက သိရှိသွားသ​​ဖြင့် ကျူးလွန်သူများကို ဖမ်းဆီးစစ်ဆေးခဲ့ရာမှ ဇူလိုင် ၂၉ ရက်၌ သက်သေအထောက်အထားအပြည့်အစုံကို သိမ်းဆည်းနိုင်ခဲ့သည်ဟု ဆောမြို့နယ်ပြည်သူ့အုပ်ချုပ်ရေးတာဝန်ရှိသူက ပြောသည်။

“သက်သေအထောက်အထားအပြည့်အစုံရရှိပြီဖြစ်တဲ့အတွက် ကျွန်တော်တို့ မြို့နယ်အုပ်ချုပ်ရေးအဖွဲ့နဲ့ လုံခြုံရေးအဖွဲ့တို့ကနေ ဖမ်းဆီးအရေးယူထားပြီး ဖြစ်ပါတယ်။ တာဝန်ခံမှုတာဝန်ယူမှုနဲ့ အရေးယူထားပြီးဖြစ်လို့လည်း အထူးတလည်ပြည်သူကို မကြေညာဖြစ်ခဲ့တာပါ” ဟု ဆိုသည်။

နစ်နာသူအမျိုးသမီးကို အခင်းဖြစ်စဥ်ပေါ်ပေါက်ပြီးနောက် အချုပ်သားဘဝမှ ရဲဘော်အသွင်ပြောင်းလဲစေကာ ငွေ ၆ သိန်းဖြင့် အမှုကျေအေးစေခဲ့သည့်အကြောင်းကို ဒေသခံမီဒီယာတစ်ခုဖြစ်သည့် ယော အလင်းတန်း Page က သြဂုတ် ၂ ရက်ညတွင် သတင်းဖော်ပြခဲ့သည်။

 သို့သော် လက်ရှိ၌ နစ်နာသူအမျိုးသမီးကို ဆောမြို့နယ်ပြည်သူ့အုပ်ချုပ်ရေးနှင့် လုံခြုံရေးအဖွဲ့တို့က အပြည့်အဝတာဝန်ယူစောင့်ရှောက်ထားပြီး ကျူးလွန်သူများကိုလည်း ထိုက်သင့်ပြစ်ဒဏ် ရရှိရေး ဆောင်ရွက်နေသည်ဟု ဆိုသည်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်