အိန္ဒိယသံအမတ်က အိန္ဒိယ-မြန်မာ နယ်စပ်ကို လာရောက်ပြီး နှစ်နိုင်ငံ ကုန်သွယ်ရေးကိစ္စ ဆွေးနွေးခဲ့

၁၂၊ ဧပြီ ၂၀၂၄

Zalen

မြန်မာနိုင်ငံဆိုင်ရာ အိန္ဒိယသံအမတ်ကြီး Abhay Thakur ဟာ မီဇိုရမ်ပြည်နယ် အရှေ့ပိုင်းရှိ ကျန်ဖိုင် မြို့ကို ဧပြီ ၁၁ ရက်ရောက်ရှိခဲ့ပြီး အိန္ဒိယ-မြန်မာနယ်စပ် ကို လာရောက်ခဲ့တယ်လို့ သိရပါတယ်။

အိန္ဒိယသံအမတ် Thakur ဟာ ကျန်ဖိုင် Circuit House မှာ ခရိုင်တာဝန်ရှိသူ‌တွေ၊ အရပ်ဘက် အဖွဲ့အစည်းတွေ၊ ကိုယ်စားလှယ်‌တွေ၊ နယ်စပ်ဖြတ်ကျော်ကုန်သည်‌တွေနဲ့ နယ်စပ်ကုန်သွယ်ရေးအခြေအနေ ဆွေးနွေးခဲ့တာပါ။

အဲဒီနောက် အိန္ဒိယ-မြန်မာနယ်စပ်က ကုန်သွယ်ရေးစခန်းဖြစ်တဲ့ ရိဒ်- ဇိုခေါထာရ် ကို သွားရောက်ကြည့်ရှုခဲ့တာလို့ အိန္ဒိယအခြေစိုက် All India Radio News သတင်းဌာနက ဖော်ပြခဲ့တာပါ။

အိန္ဒိယနဲ့ မြန်မာကြား ကောင်းမွန်ခိုင်မာတဲ့ ဆက်ဆံရေးဟာ အရေးပါပြီး လုံခြုံရေးနဲ့ ဖွံ့ဖြိုးတိုးတက်ရေးမှာ ခွဲထွက်မရတဲ့ ဆက်စပ်မှုရှိတယ်လို့ မြန်မာနိုင်ငံဆိုင်ရာ အိန္ဒိယသံအမတ်က ပြော‌တယ်လို့ သတင်းမှာ ဖော်ပြထားပါတယ်။

မြန်မာနိုင်ငံရဲ့ လက်ရှိအခြေအနေကြောင့် အိန္ဒိယ-မြန်မာ နယ်စပ်ကုန် သွယ်မှုအတွက် ကြီးမားတဲ့စိန်ခေါ်မှု အများအပြားရှိနေတယ်လို့ သံအမတ်က ဆိုပါတယ်။

ဒါပေမယ့် နယ်စပ်ကုန်သွယ်မှုဆက်ဆံရေး ပုံမှန်အခြေအနေကို ပြန်ရောက်ရှိဖို့ မျှော်မှန်းထားသလို နယ်စပ်ဖြတ်ကျော် တရားမဝင် ကုန်သွယ်မှုကို တိုက်ဖျက်ဖို့ အတူ ကြိုးပမ်းဆောင်ရွက်သွားဖို့ တိုက်တွန်းထားပါတယ်။

ပြီးခဲ့တဲ့ ၂၀၂၃ ခုနှစ် နို၀င်ဘာလကစပြီး အိန္ဒိယ-မြန်မာ အမှတ် ၂ နယ်စပ်ကုန်သွယ်ရေးစခန်းရှိရာ ချင်းပြည်နယ်၊ ရိခေါဒါရ်မြို့ကို ချင်းကာကွယ်ရေးတပ်ဖွဲ့တွေက ထိန်းချုပ်ထားပြီး ပြည်သူ့အုပ်ချုပ်ရေး လည်ပတ်နေတာပါ။

အဲဒီကုန်သွယ်ရေး စခန်းကနေ နှစ်နိုင်ငံ ကုန်သွယ်မှုဟာ အရင်ကအတိုင်း ဆက်ရှိနေတာ ဖြစ်ပါတယ်။

Mary

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်