အိုင်ဇောလ်မှာ မြန်မာနိုင်ငံသားတစ်ဦးထံ ရူပီး သိန်း ၁၀၀ ကျော်တန် ဘိန်းဖြူများဖမ်းဆည်းရမိ

၂၇၊ မေလ၊ ၂၀၂၄။

Zalen

မီဇိုရမ်ပြည်နယ်၊ အိုင်ဇောလ်ခရိုင် Selsih ရွာမှာ မြန်မာနိုင်ငံသားတစ်ဦးထံ ၃ ကီလိုကျော်အလေးချိန် ရှိ ကာလတန်ဖိုး ရူပီးသိန်း ၁၀၀ ကျော်တန်ဖိုးရှိတဲ့ ဘိန်းဖြူများကို မေလ ၂၅ ရက်မှာ ဖမ်းဆီးရမိခဲ့တယ် လို့ မီဇိုရမ်ရဲတပ်ဖွဲ့က ထုတ်ပြန်ထားပါတယ်။

သတင်းပေးပို့ချက်အရ အိုင်ဇောလ်ခရိုင်ရဲတပ်ဖွဲ့က Selsih ရွာကိုသွားရောက်က ရှာဖွေစစ် ဆေးရေး စတင်ဆောင်ရွက်ခဲ့ပါတယ်။ စစ်ဆေးမှုဆောင်ရွက်နေစဉ်မှာ Scooter ဆိုင်ကယ်အမဲရောင် စီးလာသူ တစ်ဦးကို တားဆီးစစ်ဆေးခဲ့ရာဆပ်ပြာဗူး ၃၁၁ ဗူးထဲမှာ ထည့်းထားတဲ့ ဘိန်းဖြူ ၃.၅၄၇ ကီလိုဂရမ် ကိုဖမ်းဆီးခဲ့တာဖြစ်ပါတယ်။ ဖမ်းဆီးထားတဲ့ ဘိန်းဖြူများဟာ ကာလပေါက်စျေး ရူပီး ၁၀,၆၄၁,၀၀၀ တန်ဖိုးရှိ ပါတယ်။

အဲဒီဘိန်းဖြူနဲ့ ပတ်သက်သူ အနည်းဆုံးနှစ်ဦးရှိတဲ့ အနက် ကလေးမြို့၊ တာဟန်းရပ်ကွက်နေ ဦးချန်ဘီလ်သွာန် ရဲ့သား C.T Liana အသက် ၂၅ နှစ် ကိုဖမ်းဆီးထားပြီးအဲဒီအမှုနဲ့ ပတ်သက်သူကိုလည်း ဆက်လက်စုံစမ်းနေဆဲ ဖြစ်ပါတယ်။

C.T Liana က မူးယစ်ဆေးဝါး သယ်ဆောင်လာတဲ့အပြင် အိန္ဒိယ နိုင်ငံထဲ ဝင်ထွက်ခွင့် (Valid Document) မရှိတာကြောင့် အိုင်ဇောလ်မြို့ Bawngkawn ရဲစခန်းမှာ မူးယစ်ဆေးဝါး ရောင်းဝယ်ဖောက်ကားမှု နဲ့ နိုင်ငံခြား သားမှုဖြင့် တရားစွဲဆိုထားတယ်လို့သိရပါတယ်။

အလားတူ ပြီးခဲ့တဲ့ မေလ ၂၄ ရက်မှာ မြန်မာနိုင်ငံသားတစ်ဦးထံကနေ ရူပီး သိန်း ၃၀ ကျော်တန်ဖိုးရှိတဲ့ ဘိန်းဖြူများကို မီဇိုရမ်ရဲ နဲ့ အာသံရိုင်ဖယ်ပူးပေါင်းတပ်က ဖမ်းဆီးထားသလို မေလ ၁၈ ရက်ကနေ ၂၄ ရက် အထိ တစ်ပတ်အတွင်း မူးယစ်ဆေးဝါးနဲ့ ပတ်သက်သူ ၄၁ ဦးကိုလည်း CYLA က ဖမ်းဆီးထားပါတယ်။

သတင်း – Mickey

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်