မြေပြိုလို့သေဆုံးသွားတဲ့သူတွေကို နစ်နာကြေး ကျပ်သိန်း ၈၀ ကျော်စီပေးအပ်

မြေပြိုလို့သေဆုံးသွားတဲ့သူတွေကို နစ်နာကြေး ကျပ်သိန်း ၈၀ ကျော်စီပေးအပ်

အိန္ဒိယနိုင်ငံ မီဇိုရမ်ပြည်နယ် အိုင်ဇောလ်မြို့မှာ မြေပြိုလို့သေဆုံးသွားတဲ့ ၃ ယောက်ကို နစ်နာကြေး ကျပ်သိန်း ၈၀ ကျော် (ရူပီး လေးသိန်း) စီပေးအပ်ခဲ့တယ်လို့သတင်းရရှိပါတယ်။

အိုင်ဇောလ်မြို့တော် Durtlang ရပ်ကွက် အခြေခံလူတန်းစားတွေနေထိုင်ရာ တန်ဖိုးနည်းအိမ်ယာ သုံးလုံးဟာ ဇူလိုင် ၂ ရက် ညနေ ၆ နာရီခန့်တွင် မြေပြိုလို့ တိုက်အိမ်ပျက်စီးတာကြောင့် လူ ၃ ယောက်သေဆုံးပြီး ၁၁ ယောက်ဒဏ်ရာရရှိခဲ့ပါတယ်။

သေဆုံးသူတွေထဲတွင် ဦ…. (၅၂ နှစ်)၊ မ… (၁၃ နှစ်)၊ မောင်…(၈ နှစ်)တို့ဖြစ်ပြီး ပြင်းထန်စွာဒဏ်ရာရရှိတဲ့သူ ၃ ဦးကို ဆေးရုံသို့ကုသလျက်ရှိပြီး ကျန် ၈ ဦးမှာဆေးရုံမှပြန်လည်ထွက်ခွာပြီဖြစ်ပါတယ်။ ပြင်းထန်စွာဒဏ်ရာရရှိတဲ့သူ ၃ ဦးကို အစိုးရက ကျပ် ၄ သိန်းကျော်စီ (ရူပီး နှစ်သောင်း)ထောက်ပံ့ကူညီသွားမယ်လို့ မီဇိုရမ်ပြည်နယ်ဝန်ကြီးချုပ် ပူးဇိုးရမ်ထန်ငါကဆိုပါတယ်။

တန်ဖိုးနည်းအိမ်ယာတွင် တိုက်အိမ် အလုံး ၂၀ ရှိပြီး လေးထပ်စီရှိပါတယ်။ တိုက်အိမ်တစ်လုံးစီတွင် မိသားစု ၁၆ စုနေထိုင်နိုင်ပါတယ်။ ၎င်းအိမ်ယာတွင်နေထိုင်တဲ့သူတွေက အခုပျက်စီးသွားတဲ့တိုက်အိမ် ၃ လုံးတွင် မိသားစု ၁၈ စုနေထိုင်ပြီး သေဆုံးသွားတဲ့သူတွေဟာ မြေညီထပ်တွင်နေထိုင်တဲ့သူတွေဖြစ်တယ်လို့ပြောပါတယ်။

နောက်ဆုံးရသတင်းများ

စစ်ကောင်စီတပ်က ကလေးမြို့ထဲမှာပြည်သူတွေထံ ပိုက်ဆံအတင်းတောင်းမှုပိုများလာ

၂၀၊ ဇူလိုင်၊ ၂၀၂၄။ Zalen ကလေးမြို့အနောက်ဘက် တောင်ဖီလာ၊ တောင်ဇလပ်ရပ်ကွက်တွေမှာ စစ်ကောင်စီတပ်က လမ်းပေါ်သွားလာနေတဲ့အရပ်သားပြည်သူတွေထံ ပိုက်ဆံအတင်းတောင်းမှုဟာ အခုရက်ပိုင်းပိုများလာတယ်လို့ သတင်းရရှိပါတယ်။ ၄င်းတို့ဟာ အ.ထ.က ၂ ဘောလုံးကွင်းအနီး၊ ဆည်မြောင်းရုံးအနီး၊ တခြားလမ်းကြားလေးတွေမှာ အရပ်၀တ်နဲ့ စစ်၀တ်စုံတွေနဲ့လုံခြုံရေးယူသလိုဟန်ဆောင်ကာ ...

ဆက်ဖတ်ရန်