၂၈၊ နိုဝင်ဘာ ၊၂၀၂၃
Zalen
ညီနောင်မဟာမိတ်သုံးဖွဲ့ရဲ့ ၁၀၂၇ စစ်ဆင်ရေးကို ကြိုဆိုထောက်ခံသော အနေဖြင့် Rung operation ပထမအဆင့် မြို့သိမ်းအကြိုတိုက်ပွဲ ဆင်နွှဲခဲ့ရာ စစ်ကောင်စီတပ်သား ၇ ဦးထက်မနည်းသေဆုံးကာ ၈ ဦးဒဏ်ရာရရှိတယ်လို့ CDF –Hakha ဗဟိုကောင်စီ မှ ယမန်နေ့ နိုဝင်ဘာ ၂၇ ရက်နေ့ ညပိုင်းတွင်ထုတ်ပြန်လိုက်ပါတယ်။
အောက်တိုဘာလ ၂၇ ရက် ကနေစတင်ခဲ့တဲ့ ၁၀၂၇ စစ်ဆင်ရေး သည် နိုဝင်ဘာ ၂၇ ရက်နေ့တွင် တစ်လပြည့်သည်နှင့် အညီ တစ်နိုင်ငံလုံးအတိုင်းအတာဖြင့်စစ်ရေးအရှိန်မြှင့်ကြရန် တိုက်တွန်းချက်နှင့်အညီ ၁၀၂၇ စစ်ဆင်ရေးတွင်ပူးပေါင်းပါဝင်သည့် အနေဖြင့် Chinland Defense Force –Hakha မှ နိုဝင်ဘာ ၂၆ ရက် နှင့် နိုဝင်ဘာ ၂၇ ရက်တို့တွင် နှစ်ရက်ဆက်တိုက် ဟားခါးမြို့ ပေါ်တွင်တိုက်ပွဲများဖော်ဆောင်ခဲ့ပါတယ်။
ထိုနှစ်ရက်တာတိုက်ပွဲတွင် စစ်ကောင်စီတပ်ဖွဲ့ဝင် ၇ ဦးထက်မနည်းကို ရှင်းလင်းနိုင်ခဲ့ပြီး ၈ ဦးဒဏ်ရာ ရခဲ့တယ်လို့ထုတ်ပြန်ထားပါတယ်။
ထို့အပြင် မိမိတို့ CDF –Hakha အနေဖြင့် နိုင်ငံရေးရည်မှန်းချက်တူညီသော တော်လှန်ရေးအဖွဲ့အစည်းများနှင့် ဟန်ချက်ညီတိုက်ပွဲများ ဆက်လက်ဖော်ဆောင်သွားမယ်လို့ထုန်ပြန်ချက်တွင် ဖော်ပြထားပါတယ်။
သတင်း-Grace
