ကလေးမြို့နယ် ချောင်းခွကျေးရွာ ချောင်းခွပူးပေါင်းစစ်ဆေးရေးဂိတ်တွင် ကလေးမြို့ဘက်မှ မောင်းနှင်လာတဲ့ ဆိုင်ကယ်တစ်စီးကို ရပ်တန့်စစ်ဆေးပြီး စိတ်ကြွမူးယစ်ဆေးပြား ကျပ်၂၃,၄၀၀,၀၀၀ ဖိုးကို အောက်တိုဘာလ (၆)ရက်နေ့က ဖမ်းဆီးရမိခဲ့ပါတယ်။
ဖြစ်စဉ်မှာ ကလေးမြို့ဘက်မှ ချောင်းခွကျေးရွာဘက်သို့ စက္ကန့်ကျေးရွာနေ ဦးငွန်းဆုန်းထန် (၄၂ နှစ်)က Kenbo 125 ဆိုင်ကယ် မောင်းနှင်လာရာ ချောင်းခွပူးပေါင်းစစ်ဆေးရေးဂိတ်တွင် ရပ်တန့်ခိုင်းစဉ် ထွက်ပြေးမောင်းနှင်သဖြင့် လိုက်လံဖမ်းဆီး၍ရှာဖွေစစ်ဆေးရာ ၎င်းလွယ်ထားတဲ့ အနက်ရောင်ကျောပိုးအိတ် တစ်လုံးအတွင်း WY နဲ့ R စာတမ်းပါ လိမ္မော်ရောင် စိတ်ကြွရူးသွပ်ဆေးပြား စုစုပေါင်း ၇၈၀၀ ပြား(၁ ပြားလျှင် ကာလတန်ဖိုး ၃၀၀၀ ကျပ်)ဖြစ် စုစုပေါင်း ကျပ် ၂၃,၄၀၀,၀၀၀ သိမ်းဆည်းရမိခဲ့ပါတယ်။ အမှုအားဆက်လက်မေးမြန်းရာ ကလေးမြို့၊ စက္ကန့်ကျေးရွာနေ ဦးထောင်နှင်ထန်မှ ငွေ ၂ သိန်းပေး၍ သယ်ဆောင်ခိုင်းခြင်းဖြစ်ကြောင်း စစ်ဆေးပေါ်ပေါက်ခဲ့ပါတယ်။ ယင်းနေ့ ညနေ ၈ နာရီခွဲအချိန်တွင် သက်သေများနဲ့အတူ ဦးထောင်နှင်ထန်နေအိမ်ကို ဝင်ရောက်ရှာဖွေဖမ်းဆီးပေမယ့် ၎င်းမှာနေအိမ်မှ ထွက်ပြေးတိမ်းရှောင်သွားပြီး ၎င်းနေအိမ်တွင် မူးယစ်ဆေးဝါးတစ်စုံတစ်ရာရှာဖွေတွေ့ရှိခြင်း မရှိခဲ့ပါ။
ဒါကြောင့် ၎င်းတို့နှစ်ဦးကို ကလေးမြို့ မူးယစ်တပ်ဖွဲ့စု (၅)မှ ရဲအုပ် မြတ်ဖုန်းက တရားလိုပြုလုပ်ကာ (ပ)အမျတ် မယ(ပ)၁၅၇/၂၀၁၉၊ မူး/စိတ် ပုဒ်မ-၁၉(က)/၂၁ ဖြစ်အမှုဖွင့်ထားပါတယ်။
