ချင်းပြည်နယ်အတွင်းရှိ ကော်ဖီစိုက်လိုသူတွေ တီးတိန်မြို့နယ် ထေးဇန်ကော်ဖီခြံမှ ကော်ဖီပျိုးပင်တွေကို ဇူလိုင်(၁၅)ရက်ထိ အခမဲ့ယူနိုင်ပါတယ်။
ဒီနှစ်အတွက် ကော်ဖီပျိုးပင် တစ်သိန်း အခမဲ့ဖြန့်ဖြူးနေပြီး ထေးဇန်နဲ့ ဟားခါး စိုက်ပျိုးရေးခြံမှာလည်း အခမဲ့ယူနိုင်တယ်လို့သိရပါတယ်။
“ဒီနှစ်မှာ တောင်သူတွေလိုအပ်နေတာကတော့ ပျိုးပင် လေးသိန်းဖြစ်ပေမယ့် တစ်သိန်းပဲဖြန့်ဝေနိုင်တယ်။ နောက်နှစ်မှာ ပျိုးပင် သုံးသိန်း ဖြန့်ဝေနိုင်ဖို့စီစဉ်ထားတယ်”ထေးဇန်ကော်ဖီခြံမှ ခြံတာဝန်ခံ ဦးမင်းလွင်ဦးကပြောပါတယ်။
ဒီနှစ်မှာ မင်းတပ်မြို့ဘက်ကို ကော်ဖီပျိုးပင် သုံးထောင်လောက် ဖြန့်ဝေပြီးနောက်နှစ်မှာတော့ မင်းတပ်နဲ့အနီးတစ်ဝိုက်မြို့တွေမှာ ကော်ဖီပျိုးပင်ထုတ်လုပ်မယ်လို့သိရပါတယ်။
အရင်နှစ်ကစပြီး ကော်ဖီပျိုးပင်တွေ အခမဲ့ဖြန့်ဝေပြီး ကော်ဖီပျိုးပင် ငါးသောင်း၊ မြောက်ငိုးပင် ငါးသောင်းဖြန့်ဝေနိုင်ခဲ့တယ်။
