ဇန်နဝါရီ ၂၇ ၊ ၂၀၂၆
Zalen

မကွေးတိုင်း ၊ ဂန့်ဂေါခရိုင် မြောက်ပိုင်း ရှိ ကျေးရွာတွေကို စစ်ကောင်စီက လေကြောင်းကနေ ဗုံးကြဲတိုက်ခိုက်လို့ အမျိုးသား ၄ ဦး ဒဏ်ရာရရှိခဲ့တယ်လို့ ဒေသခံတွေ ထံက သတင်းရရှိပါတယ်။

အဲဒီလေကြောင်းတိုက်ခိုက်မှုကို ဇန်နဝါရီလ ၂၅ရက်နေ့ ည ၉ နာရီ ခွဲ၀န်းကျင်မှာ ဂျက်ဖိုက်တာ ၂စီး နဲ့ ဗုံးသီး ၃ လုံးကို နေရာ ၃ နေရာမှာ ကြဲချ တိုက် ခိုက်ခဲ့တာလို့ဆိုပါတယ်။

” ညက လာကြဲတာပါ။ တယောက်ကတော့ ပေါင်ပြတ်သွားတယ်ကြားတယ်။ ဒဏ်ရာရတာ ၄ယောက်ရှိတယ်တဲ့။အဲဒီနေရာ တိုက် ပွဲလည်း မရှိပါဘူး” လို့ ဒေသခံအမျိုးသားတဦးက Zalen ကိုပြောပါတယ်။

စစ်ကောင်စီလေကြောင်းတိုက်ခိုက်တဲ့ နေရာတွေကတော့ ကန်ရွာ ၊ မောက်လင်းရွာ ၊ ကျောက်ဂူဘုန်းကြီးကျောင်း တောင်ဘက်နေရာတွေဖြစ်တယ်လို့ သူကရှင်းပြပါတယ်။

ပြီးခဲ့တဲ့ ဇန်နဝါရီလ ၂၃ ရက်နေ့တုန်းကလည်း ပေါက် နဲ့ ထီးလင်း နယ်အစပ် ကို စစ်ကောင်စီက ‌ဂျက်ဖိုက်တာနဲ့ ၃ ကြိမ် လေကြောင်းတိုက်ခိုက်မှု ပြုလုပ်ခဲ့တာဖြစ်ပါတယ်။

သတင်း – ယောနေ

ဓာတ်ပုံ-လူမှုကွန်ယက်

#ဂန့်ဂေါ#ဗုံးကြဲ#Zalen