ကလေးမြို့နယ် ရှားတောရွာနဲ့ စက္ကန့်ရွာကြား ဇီးချောင်းကြိုးတံတားထိုးဖို့ ငွေကြေးအခက်အခဲနဲ့ကြုံတွေ့နေရကြောင်းသတင်းရရှိပါတယ်။
ဇွန်လ (၂၀)ရက်မှာ ယာယီတံတားကို ရှားတောရွာ PCM အသင်းတော်ရဲ့အလှူငွေနဲ့ ကိုယ်ထူကိုယ်ထတည်ဆောက်ထားပြီး မိုးများတဲ့ချိန်မှာ ခံနိုင်မယ်မဟုတ်ပါ။ ဒါကြောင့် အရှည် ပေ(၂၀၀) အကျယ် (၄)ပေရှိတဲ့ ကြိုးတံတားကို တည်ဆောက်ဖို့ ရှားတောရွာသားတွေပြင်ဆင်နေပါတယ်။ ဒီကြိုးတံတားတည်ဆောက်ဖို့ NLD လွှတ်တော်ကိုယ်စားလှယ်တွေက သိန်း(၅၀)ထောက်ပံ့ထားပြီး လိုအပ်တဲ့ သိန်း(၅၀)ကို ရွာသားတွေနဲ့အခြားအလှူငွေတွေဆီ အကူအညီတောင်းမယ်လို့သိရပါတယ်။
