ချင်းပြည်နယ်၊ ဟားခါးမြို့နယ်၊ ဘွန်လုံးကျေးရွာ (Buanlung Khua) တွင် ကျောင်းကနေအိမ်သို့ပြန်လာနေတဲ့ ၆ နှစ်အရွယ်ကလေးငယ် ၂ဦးကို စစ်ကောင်စီဒရုန်းက လက်နက်ကြီးနဲ့ ယနေ့ အောက်တိုဘာ ၁၉ ရက် ညနေ ၃ နာရီလောက်ကပစ်ခတ်လို့ သေဆုံးသွားကြောင်းသတင်းရရှိပါတယ်။
ဘွန်လုံးကျေးရွာဟာ ဟားခါးမြို့ကနေ မိုင် ၂၀ လောက်ကွာဝေးပြီး Senthang မျိုးနွယ်စုတွေနေထိုင်တဲ့ရွာဖြစ်ပါတယ်။
စစ်ကောင်စီရဲ့လက်နက်ကြီးကြောင့် KG တန်းတက်နေတဲ့ Henry Bawi Za Lian (၆နှစ်)၊ နဲ့ James Siang Za Uk (၇နှစ်) တို့သေဆုံးပြီး ၎င်းတို့နဲ့သက်တူရွယ်တူ မိန်းကလေးတစ်ဦးလည်း ဒဏ်ရာရရှိကြောင်းသိရတယ်။
အရင်နေ့တွေမှာလည်း ဘွန်လုံးကျေးရွာပေါ်မှာ စစ်ကောင်စီတပ်ရဲ့ ဒရုန်းတွေ လေးကြိမ်လောက်ပျံသန်းပြီး သတင်းထောက်လှမ်းနေတယ်လို့သိရတယ်။
