ချင်းပြည်နယ်၊ ပလက်ဝမြို့နယ်တွင် စစ်ကောင်စီလက်ထက် တက္ကသိုလ်ဝင်တန်းစာမေးပွဲ ဖြေဆိုသူ အယောက် (၁၀၀၀) နီးပါး အောင်မြင်ခဲ့ပြီးနောက် အောင်ချက်ကောင်းသည် ဟုဆိုကာ တက္ကသိုလ်ဝင်တန်း ကျောင်းနှံသူများပြားလျက်ရှိကြောင်း သိရှိရသည်။
၂၀၂၃ ခုနှစ် တက္ကသိုလ်ဝင်တန်း စာမေးပွဲ အောင်စာရင်း ထွက်ပြီးနောက် ပလက်ဝမြို့နယ်တွင် ယခင်နှစ်တွင် တက္ကသိုလ်ဝင်တန်းစာမေးပွဲ တစ်နှစ်ကျပြီးတဲ့ ကျောင်းသူ/သားဟောင်းများ အထက (၁) မြို့မ ကျောင်းတွင် တက္ကသိုလ်ဝင်တန်း ကျောင်းအပ်နှံသူ များပြားလျက်ရှိပြီး ကျောင်းသူ/သားများ ထိုင်ခုံ၊ အခန်း လုံလောက်မူ မရှိသည့်ထိ ရှိနေသည်ဟု သိရှိရသည်။
ချင်းပြည်နယ်တွင် စစ်ကောင်စီလက်ထက် ကျင်းပသည့် ၂၀၂၃ ခုနှစ် တက္ကသိုလ်ဝင်တန်း စာမေးပွဲတွင် ပြည်နယ်အဆင့် အမှတ်အများဆုံး ဝိဇ္ဇာ၊ ဝိပ္ပံ၊ သိပ္ပံအတွဲအလိုက် ကျောင်းသား ၁၀ ဦးစီရွေးချယ်ရာမှ ဝိဇ္ဇာအတွဲ ၇ ဦးနှင့် ဝိပ္ပံအတွဲ ၃ ဦးဖြစ် ပလက်ဝမြို့နယ်က ရရှိခဲ့သည်။
