တတိယအကြိမ်မြောက် ရခိုင်ပြည်နယ်လုံးဆိုင်ရာ ချင်းတက္ကသိုလ် ကျောင်းသူ၊သားများ တွေ့ဆုံပွဲနဲ့ ဆုပေးပွဲကို ဒီဇင်ဘာ (၈)ရက်မှ (၉)ရက်နေ့အထိ ရခိုင်ပြည်နယ် မြေပုံမြို့မှာ ကျင်းပမှာဖြစ်ပါတယ်။
တတိယအကြိမ်မြောက် ရခိုင်ပြည်နယ်လုံးဆိုင်ရာ ချင်းတက္ကသိုလ် ကျောင်းသူ၊သားများ တွေ့ဆုံပွဲနဲ့ ဆုပေးပွဲတွက်ပြင်ဆင်နေကြစဉ်
ယင်းအဖွဲ့ရဲ့ ဒုဥက္ကဌ ဆလိုင်းနေဇော်လင်းက “ပွဲမှာတော့ ရိုးရာအကတွေဖျော်ဖြေမယ်။ ညနေပိုင်းကျရင် အဖွဲ့ရဲ့မူဘောင်တွေဆွေးနွေးမယ်။ တခြားချင်းကျောင်းသားအဖွဲ့တွေနဲ့ဘယ်လိုချိတ်ဆက်ဆောင်ရွက်မလဲဆိုတဲ့အပိုင်းတွေဆွေးနွေးမယ်။ ဒီပွဲကျင်းပရတဲ့ရည်ရွယ်ချင်းကတော့ ရခိုင်ပြည်နယ်ထဲက ချင်းတက္ကသိုလ်ကျောင်းသားတွေအချင်းချင်းခင်မင်ရင်းနှီးအောင်၊ ပညာရေးကဏ္ဍပိုမိုအားပေးဖို့ဖြစ်တယ်”လို့ပြောပါတယ်။
ရခိုင်ပြည်နယ်ထဲမှာ ချင်းတက္ကသိုလ်ကျောင်းသူ၊ကျောင်းသား စုစုပေါင်း (၂၅၀)ခန့်ရှိပြီး day တက်တဲ့ ချင်းတက္ကသိုလ်ကျောင်းသူ၊သားဟာ စုစုပေါင်း (၃၀)လောက်ပဲရှိပါတယ်။
